Аб аб'яўленні Падзякі Прэзідэнта Рэспублікі Беларусь
Распараджэнне № 174рп ад 17 жніўня 2021 г.
Аляксандр Лукашэнка таксама падпісаў распараджэнне аб аб'яўленні Падзякі Прэзідэнта Беларусі. За шматгадовую плённую працу, высокі прафесіяналізм, значны асабісты ўклад у сацыяльна-эканамічнае развіццё Беларусі яна аб'яўлена начальніку галоўнага ўпраўлення рэгіянальнага развіцця і маёмасных адносін Міністэрства эканомікі Таццяне Андрэевай, першаму намесніку дырэктара па навуковай рабоце Навукова-даследчага эканамічнага інстытута Міністэрства эканомікі Людміле Баравік і намесніку начальніка галоўнага ўпраўлення макраэканамічнага аналізу і прагназавання - начальніку ўпраўлення прагнозаў і праграм Міністэрства эканомікі Алене Касцюковіч.