Наведванне Спаса-Праабражэнскага храма ў Шклове

Прэзідэнт Беларусі Аляксандр Лукашэнка ў светлае свята Вялікадня запаліў свечку ў Спаса-Праабражэнскім храме ў Шклове.

"Для мяне сённяшні дзень асаблівы. Я заўсёды з вялікім хваляваннем, ці пралятаючы з працяглых камандзіровак з усходу, ці прыязджаючы сюды, з хваляваннем з паветра гляджу на гэту добрую зямлю, - адзначыў Прэзідэнт, гаворачы пра сваю малую радзіму. - Вы для мяне людзі асаблівыя, вы гэта ведаеце. Менавіта з вас, вашых бацькоў усё некалі пачалося ў нас з вамі. Перш за ўсё ў мяне і ў маім жыцці. Калісьці вы зусім юнаму чалавеку паверылі і адправілі мяне з гэтай зямлі ў доўгі шлях".

"Асабліва моладзі хачу сказаць (я тады гэтага не разумеў), наколькі з цягам часу цягне дадому. Таму рана ці позна ўсе мы вернемся сюды дадому. Таму я з асаблівым хваляваннем і пачуццём заўсёды бываю тут. Але, як вы заўважылі, у Шклове я спыняўся вельмі рэдка. Можа, і ўплывалі гэтыя хваляванні. Але прыходзіць некалі час, калі цябе асабліва цягне дадому на радзіму. Кажуць, калі табе нешта часта сніцца, то трэба туды прыехаць. Таму я і прыехаў сёння да вас - сваіх блізкіх добрых людзей", - сказаў Аляксандр Лукашэнка.

Кіраўнік дзяржавы падзякаваў землякам за тую веру, якую яны падарылі яму шмат гадоў таму, за тое, што яны зрабілі ў яго жыцці. "Не скажу, што яна для мяне была вельмі салодкай. Але так ужо здарылася", - заўважыў ён.

Аляксандр Лукашэнка падкрэсліў, што Вялікдзень - светлае і добрае свята, напоўненае асаблівымі чаканнямі, як і навагоднія дні. "Усе нашы, і духоўныя, і свецкія, святы вельмі каштоўныя для нас, нашага народа. Ну хто скажа, што для нас Дзень Перамогі не каштоўнае свята?.." - адзначыў беларускі лідар.

Што датычыцца Вялікадня, то ў гэта свята Кіраўніку дзяржавы хочацца проста жыць спакойна, нічога не гаварыць і слухаць цішыню. "У мяне так. Напэўна, і ў многіх. Хоць пасля працяглага посту людзі рыхтуюцца: і чарку, і скварку, і кавалачак хлеба, і кулічы, і булачкі, і іншае... Усё гэта ёсць. Але ўсё роўна гэта дзень асаблівы, дзень шануемы", - падзяліўся меркаваннем ён.

"З гэтага старажытнага храма я хачу павіншаваць нашых беларусаў, усіх, хто нас сёння ўбачыць. І яшчэ раз хачу, падзякаваўшы, павіншаваць вас з гэтым добрым і светлым святам. Самае галоўнае - міру вам і здароўя, - пажадаў беларускі лідар. - Усё астатняе мы знойдзем. Не знойдзем - як я часта кажу, купім. А здароўе не купіш. Свет - вакол вы бачыце, што робіцца, - і нам каштуе каласальных намаганняў, каб захаваць гэты мірны астравок. Калі мы будзем займацца сваёй справай, кожны сваёй справай, мы захаваем (мір. - Заўвага) - мы захаваем, мы зробім неверагоднае. У гэтай сітуацыі мы захаваем мір на гэтай зямлі, калі вакол усё бурліць, шуміць".

"І многія, не ведаючы, не разумеючы, не плануюць нейкія далёкія перспектывы, не ведаючы, што будзе заўтра. Заўтра будзе ўсё нармальна. Будзьце ў гэтым упэўнены", - запэўніў Кіраўнік дзяржавы.

Ён пажадаў жыць мірна, спакойна, шчасліва, і галоўнае - каб былі здаровыя дзеці.

Аляксандр Лукашэнка перадаў у дар Спаса-Праабражэнскаму храму абраз "Гасподзь Уседзяржыцель". Гэты абраз - адзін з самых старажытных і шануемых у народзе тыпаў выявы Збавіцеля. "Ён для мяне каштоўны тым, што зроблены рукамі нашага беларуса. Няхай будзе ў вас", - адзначыў Кіраўнік дзяржавы.

У сваю чаргу Прэзідэнту ад храма падораны абраз "Уваскрэсенне Хрыстова" з дванадзясятымі святамі. Яна выканана ў тэхніцы мініяцюрнага жывапісу метадам нанясення эмалі.

Будаўніцтва Спаса-Праабражэнскай царквы ў Шклове пачалося ў канцы XVIII стагоддзя фаварытам імператрыцы Кацярыны II Сямёнам Зорычам, а завершана ў другой палавіне XIX стагоддзя на сродкі глыбока веруючай жыхаркі горада Агаф'і Сідаравай, якая лічыцца заснавальніцай гэтай святыні. Храм заставаўся дзеючым у гады атэізму і Вялікай Айчыннай вайны. У 2014 годзе адзначалася 150-годдзе заснавання храма.