Дзяржаўных узнагарод удастоены 46 прадстаўнікоў розных сфер дзейнасці
Дзяржаўных узнагарод удастоены 46 прадстаўнікоў розных сфер дзейнасці. Адпаведны Указ № 255 Прэзідэнт Беларусі Аляксандр Лукашэнка падпісаў 9 жніўня.
Ордэны, медалі і ганаровыя званні ім прысуджаны за шматгадовую плённую працу, высокі прафесіяналізм, узорнае выкананне службовых абавязкаў, мужнасць і адвагу, праяўленыя пры ратаванні чалавека на вадзе, значны асабісты ўклад у развіццё судовай сістэмы, нафтаперапрацоўчай і хімічнай прамысловасці, сельскагаспадарчай вытворчасці, дарожнага будаўніцтва, дасягненні ў сферах адукацыі, сацыяльнай абароны насельніцтва, гандлю, навукі і культуры.
Ордэнам Працоўнай Славы ўзнагароджаны прафесар кафедры палімерных кампазіцыйных матэрыялаў Беларускага дзяржаўнага тэхналагічнага ўніверсітэта Мікалай Пракапчук і дырэктар вытворчага ўнітарнага прадпрыемства "Цветліт" Беларускага таварыства глухіх Сяргей Яфрэменка.
Эксперт экспертна-крыміналістычнага сектара па Круглянскім раёне Бялыніцкага міжраённага аддзела Дзяржаўнага камітэта судовых экспертыз Пётр Чарняеў удастоены медаля "За выратаванае жыццё".
Медаль "За адзнаку ў ахове грамадскага парадку" прысуджаны следчаму па асабліва важных справах аддзела па расследаванні злачынстваў супраць інтарэсаў службы і парадку выканання воінскага абавязку ўпраўлення Следчага камітэта па Гомельскай вобласці Вікторыі Васілеўскай, начальніку ўпраўлення па расследаванні злачынстваў супраць інтарэсаў службы і парадку выканання воінскага абавязку СК Вадзіму Каламійцу і старшаму эксперту экспертна-крыміналістычнага сектара па Вілейскім раёне Маладзечанскага міжраённага аддзела ДКСЭ Максіму Дубеку.
Заслугі значнай колькасці работнікаў розных сфер адзначаны медалём "За працоўныя заслугі". Сярод іх - старшыня Камітэта дзяржаўнага кантролю Гродзенскай вобласці Анатоль Дарожка, дырэктар Столінскага тэрытарыяльнага цэнтра сацыяльнага абслугоўвання насельніцтва Людміла Мароз і галоўны заатэхнік кааператыва "Свіслач" Святлана Новік.
Медаля Францыска Скарыны ўдастоены загадчык кафедры нармальнай фізіялогіі Гродзенскага дзяржаўнага медыцынскага ўніверсітэта Віктар Зінчук і член Саюза пісьменнікаў Беларусі Уладзімір Ліхадзедаў.
Указам таксама прысвоены ганаровыя званні Рэспублікі Беларусь. Заслужаным дзеячам навук стаў загадчык кафедры біятэхналогіі і ветэрынарнай медыцыны Беларускай дзяржаўнай ордэна Кастрычніцкай Рэвалюцыі і Працоўнага Чырвонага Сцяга сельскагаспадарчай акадэміі Рыгор Мядзведзеў, заслужаным работнікам адукацыі - прарэктар па міжнародных сувязях і пазабюджэтнай дзейнасці Гродзенскага дзяржаўнага медыцынскага ўніверсітэта Віталь Вараб'ёў, заслужаным работнікам сельскай гаспадаркі - намеснік дырэктара Гродзенскага абласнога аграпрамысловага саюза Іван Алізаровіч, заслужаным работнікам сферы абслугоўвання - дырэктар ААТ "Веста-Барысаў" Людміла Кулінчык.
