Гісторыка-культурная спадчына

У прыватнасці, у спіс Сусветнай культурнай і прыроднай спадчыны ЮНЕСКА ўключаны:

• у 1992 г. – Белавежская пушча (помнік прыроды);
• у 2000 г. – замкавы комплекс "Мір" (г.п. Мір Карэліцкага раёна Гродзенскай вобласці);
• у 2005 г. – архітэктурна-культурны комплекс рэзідэнцыі Радзівілаў у г. Нясвіжы (Мінская вобласць) і геадэзічная Дуга Струвэ (Брэсцкая і Гродзенская вобласці).

У спіс нематэрыяльнай культурнай спадчыны ЮНЕСКА ўключаны:

• у 2009 г. – святочны калядны абрад "Калядныя цары" ў вёсцы Семежава (Капыльскі раён, Мінская вобласць);
• у 2018 г. – урачыстасць у гонар шанавання абраза Маці Божай Будслаўскай (Будслаўскі фэст) у г. Будслаў (Мядзельскі раён Мінскай вобласці);
• у 2019 г. – веснавы абрад "Юраўскі карагод" у в.Пагост (Жыткавіцкі раён Гомельскай вобласці);
• у 2020 г. - культура ляснога бортніцтва.

Напрыклад, аб'ектамі спадчыны, якія маюць сусветнае значэнне, з'яўляюцца палацава-паркавы ансамбль (канец XVIII – XIX стст.) у г. Гомелі, Барысаглебская (Каложская) царква (XII ст.) у г. Гродна, Аўгустоўскі канал (ХІХ ст.) у Гродзенскім раёне, цэрквы абарончага тыпу (канец XV – пач. XVI стст.) у в. Сынковічы Зэльвенскага раёна, цэрквы-крэпасці абарончага тыпу (XVI ст.) у в. Мураванка Шчучынскага раёна, комплекс былога манастыра езуітаў у г.Нясвіжы (ХVI–ХІХ стст.), Сафійскі сабор (1044–1066 гг., 1738–1750 гг.) і Спаса-Праабражэнская царква ў Полацку (ХІІ ст.), касцёл Іаана Хрысціцеля (1603–1606 гг.) у в.Камаі Пастаўскага раёна, комплекс фартыфікацыйных збудаванняў Брэсцкай крэпасці (1836–1842 гг., 1911–1914 гг.), Троіцкі касцёл са званіцай (1583 г.) у аграгарадку Чарнаўчыцы Брэсцкага раёна, Камянецкая вежа (ХІІІ ст.) у г. Камянец Брэсцкай вобласці.

У краіне вядзецца вельмі сур'ёзная работа па рэстаўрацыі і аднаўленні гісторыка-культурнай спадчыны. Сярод уведзеных у эксплуатацыю пасля рамонтна-рэстаўрацыйных работ за апошнія гады такія аб'екты, як будынкі музея В.К. Бялыніцкага-Бірулі ў г. Магілёве, "Беларусьфільма" ў г. Мінску, стадыён "Дынама" ў г. Мінску, паўночна-ўсходняя вежа Лідскага замка, помнік К.С. Заслонаву, помнік гісторыі "Трасцянец", англійскі пейзажны парк і кітайская альтанка былога палаца Агінскіх, аб'екты Брэсцкай крэпасці.

Маштабныя рамонтна-рэстаўрацыйныя работы на гэты момант прадаўжаюцца ў Косаўскім палацава-паркавым ансамблі Пуслоўскіх. Не менш важным аб'ектам гісторыка-культурнай спадчыны, які цікавы турыстам, з'яўляецца палацавы комплекс роду Сапегаў у г.п. Ружаны. Рэстаўрацыйна-аднаўленчыя работы праводзяцца і ў Старым замку ў г. Гродна, паўночнай вежы Гальшанскага замка, палацава-паркавым комплексе ў в. Свяцк Гродзенскага раёна.

За 2017–2019 гг. за кошт сродкаў фонду праведзена кансервацыя з рэстаўрацыяй фрагментаў замка ў в.Крэва, кансервацыя з фрагментарнай рэстаўрацыяй руін былога замка Сапегі ў аг. Гальшаны, рэстаўрацыйныя работы палацава-паркавага ансамбля Пуслоўскіх у г. Косава Івацэвіцкага раёна, завершаны капітальны рамонт былога дома купца Анташкевіча ў г. Магілёве, адноўлены радавы маёнтак Н. Орды ва ур. Чырвоны Двор Іванаўскага раёна Брэсцкай вобласці, праведзена кансервацыя былога касцёла езуітаў у г. Мсціславе, рэстаўрацыя капліцы-пахавальні Паскевічаў у г. Гомелі, рэстаўрацыя жывапісу Спаса-Праабражэнскай царквы ў г. Полацку.