Рознічны гандаль і грамадскае харчаванне

Рознічны гандаль - адна з найбольш важных сфер эканомікі.

У 2025 годзе рознічны тавараабарот склаў Br102,9 млрд, або ў супастаўных цэнах 106,6% да ўзроўню папярэдняга года.

У Рэспубліцы Беларусь сфарміравана даволі развітая гандлёвая інфраструктура, якая дае магчымасць комплексна задавальняць патрэбнасці насельніцтва ў таварах і паслугах. У Беларусі налічваецца больш за 65 тыс. гандлёвых аб'ектаў. Нараўне з невялікімі спецыялізаванымі магазінамі функцыянуюць гіпер- і супермаркеты, шматфункцыянальныя гандлёвыя цэнтры, у якіх размешчаны гандлёвыя аб'екты і аб'екты грамадскага харчавання, іншыя аб'екты, у якіх аказваецца шырокі спектр паслуг.

Акрамя таго, актыўна развіваецца інтэрнэт-гандаль. Так, удзельная вага рознічнага тавараабароту, атрыманага праз сетку Інтэрнэт, у рознічным тавараабароце арганізацый гандлю за 2025 год склала 14%.

Грамадскае харчаванне

Грамадскае харчаванне адыгрывае важную ролю ў жыцці сучаснага грамадства і адносіцца да ліку перспектыўных сфер эканомікі, якія хутка развіваюцца.

У 2025 годзе тавараабарот грамадскага харчавання павялічыўся ў супастаўных цэнах на 5,1% да ўзроўню папярэдняга года і склаў Br7,4 млрд.

Сетка грамадскага харчавання мае ўстойлівую тэндэнцыю да росту і ў 2025 годзе налічвае амаль 17 тыс. аб'ектаў грамадскага харчавання. Іх колькасць за 5 гадоў павялічылася больш як на 2 тыс. Сетка прадстаўлена рознымі тыпамі аб'ектаў грамадскага харчавання ад прэстыжных рэстаранаў да ўтульных кафэ і кафейняў.