Заснаваны сцяг, флаг і нагрудныя знакі ўзнагароды Дзяржінспекцыі аховы жывёльнага і расліннага свету пры Прэзідэнце
Заснаваны сцяг, флаг і нагрудныя знакі ўзнагароды Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь. Устаноўлены таксама юбілейны медаль да 20-годдзя ўтварэння гэтай арганізацыі. Адпаведныя ўказы падпісаў Кіраўнік дзяржавы Аляксандр Лукашэнка.
На правым баку сцяга адлюстраваны Дзяржаўны герб Беларусі, на адваротным - эмблема Дзяржінспекцыі аховы жывёльнага і расліннага свету: серабрысты шчыт, за якім скрыжаваны якар і меч, накіраваныя вастрыём уніз. Палотнішча сцяга вырабляецца з тканіны чырвонага колеру з зялёнай аблямоўкай і вертыкальнай паласой белага колеру з нацыянальным арнаментам.
Флаг уяўляе сабой прамавугольнае палотнішча зялёнага колеру. У цэнтры правага боку размешчана эмблема Дзяржінспекцыі, на адваротным баку - выява арла-беркута на фоне блакітнага круга, абрамленага дубовым вянком залацістага колеру.
На абодвух геральдычных сімвалах размешчаны найменне арганізацыі на правым баку і надпіс "Ахоўваць прыроду - ахоўваць Радзіму!" на адваротным.
Прадугледжана таксама заснаванне трох нагрудных знакаў узнагароды: "За ўзаемадзеянне", "За адзнаку", "За добрасумленную працу".
