Зацверджана пагадненне з Зімбабвэ аб стварэнні сумеснай камісіі па супрацоўніцтве

2 мая 2023 г.

Кіраўнік дзяржавы Аляксандр Лукашэнка 2 мая падпісаў Указ № 129, якім зацвердзіў пагадненне паміж Беларуссю і Зімбабвэ аб стварэнні сумеснай пастаяннай камісіі па супрацоўніцтве.

Пагадненне было заключана ў Харарэ 31 студзеня ў час дзяржаўнага візіту Аляксандра Лукашэнкі ў Зімбабвэ. Стварэнне сумеснай камісіі будзе садзейнічаць умацаванню беларуска-зімбабвійскага супрацоўніцтва ў розных сферах двухбаковых адносін.