Ордэнам Маці ўзнагароджаны 242 жыхаркі ўсіх абласцей Беларусі і Мінска
Прэзідэнт Беларусі Аляксандр Лукашэнка падпісаў Указ № 352 аб узнагароджанні ордэнам Маці.
За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. У іх ліку работніцы прамысловых і аграпрамысловых прадпрыемстваў, будаўнічай галіны, фінансавага і банкаўскага сектара, арганізацый харчовай прамысловасці, транспартнай сферы, жыллёва-камунальнай гаспадаркі, спажыўкааперацыі, гандлю і сувязі, устаноў навукі і адукацыі, аховы здароўя, культуры, рэлігійных аб'яднанняў і хатнія гаспадыні.
Сярод узнагароджаных - медыцынская сястра педыятрычнага аддзялення паліклінікі Драгічынскай цэнтральнай раённай бальніцы Ала Данілюк, тынкоўшчык-маляр перасовачнай механізаванай калоны № 13 ААТ "Пінсксаўгасбуд" Галіна Казлова, спецыяліст аддзела па рабоце з праблемнай запазычанасцю рэгіянальнай дырэкцыі па Брэсцкай вобласці Белаграпрамбанка Наталля Каротчанка, аператар электронна-вылічальных машын Брэсцкага абласнога цэнтра медыцынскай рэабілітацыі для дзяцей з псіханеўралагічнымі захворваннямі "Тонус" Наталля Коўтар, спецыяліст па кадрах Бярозаўскага камбікормавага завода Ірына Хілько, фармоўшчык каўбасных вырабаў Калінкавіцкага мясакамбіната Святлана Бобр, бухгалтар Астрынскага лясніцтва Шчучынскага лясгаса Ірына Бараноўская, аграном эксперыментальнай базы "Спартак" Шклоўскага раёна Кацярына Мельнікава, аператар машыннага даення ААТ "ЧэрнеўкаАгра" Дрыбінскага раёна Кацярына Сцяпанава, заточнік цэха інструментальна-штамповачнай вытворчасці ААТ "БЕЛАЗ - кіруючая кампанія холдынга "БЕЛАЗ-ХОЛДЫНГ" Вольга Буглак, повар Прылуцкага дзіцячага сада № 2 Мінскага раёна Марына Корзюк, урач функцыянальнай дыягностыкі Мінскага навукова-практычнага цэнтра хірургіі, транспланталогіі і гематалогіі Таццяна Вараб'ёва, выхавальнік ясляў-сада № 493 Мінска Юлія Мельнік.
Усяго ордэнам Маці ўзнагароджаны 242 жыхаркі ўсіх абласцей Беларусі і Мінска.
