Даклад старшыні Гродзенскага абласнога выканаўчага камітэта Юрыя Караева

Прэзідэнт Беларусі Аляксандр Лукашэнка 3 жніўня заслухаў даклад старшыні Гродзенскага абласнога выканаўчага камітэта Юрыя Караева. Адной з цэнтральных тэм стала ліквідацыя наступстваў непагоды, якая прыйшла ў Гродна 1 жніўня. 

Адной з цэнтральных тэм стала ліквідацыя наступстваў непагоды, якая прыйшла ў Гродна 1 жніўня. Стыхія нанесла ўрон не толькі гарадской інфраструктуры, але і пасевам Гродзенскага рэгіёна. Аляксандр Лукашэнка дэталёва пацікавіўся маштабамі ўрону і мерамі па ўстараненні наступстваў. Як было даложана Кіраўніку дзяржавы, да работы прыцягнуты супрацоўнікі Міністэрства па надзвычайных сітуацыях, лясных гаспадарак і іншых службаў. 

Другая асноўная тэма даклада - ход уборачнай у Гродзенскай вобласці, тэмпы палявых работ і іх асаблівасці ў асобных раёнах. У прыватнасці, асабліва цікавіла Прэзідэнта сітуацыя на поўначы вобласці. Як было даложана, умовы надвор'я ўносяць пэўныя карэктывы ва ўборку ўраджаю ў паўночных раёнах, у сувязі з чым патрабуецца пэўны падыход да палявых работ. 

У цэлым жа ў рэгіёне ўжо ўбрана 50% плошчаў, у бліжэйшыя дні тут плануюць атрымаць першы мільён тон збожжа. 

Яшчэ адно пытанне - перспектывы і тэндэнцыі ў развіцці абласнога турызму. У першым паўгоддзі ў Гродзенскай вобласці назіраўся прыкметны рост турыстычнага патоку, пры гэтым значная частка гасцей вярталася ў рэгіён паўторна. Размова ішла і аб рэканструкцыі тэрыторыі гарадскога пасёлка Мір у сувязі з маючым адбыцца ў будучым годзе 500-годдзем адной з галоўных славутасцей вобласці - Мірскага замка. 

Акрамя таго, сярод пытанняў даклада былі планы па аднаўленні работы аэрапорта Гродна.