Аб аб'яўленні Падзякі Прэзідэнта Рэспублікі Беларусь

Падзяка Прэзідэнта Беларусі аб'яўлена шасцярым прадстаўнікам розных сфер дзейнасці. Адпаведнае распараджэнне падпісаў 22 лютага Кіраўнік дзяржавы Аляксандр Лукашэнка.

За шматгадовую плённую працу, значны асабісты ўклад у рэалізацыю інвестыцыйнага праекта па тэхнічным перааснашчэнні ААТ "Кіруючая кампанія холдынга "Беларускія шпалеры" Падзякі Прэзідэнта ўдастоены першы намеснік генеральнага дырэктара - галоўны інжынер прадпрыемства Ігар Дзегцяроў і машыніст карданаробчай машыны Дзмітрый Чыкізаў.

Дырэктар Капыльскага тэрытарыяльнага цэнтра сацыяльнага абслугоўвання насельніцтва Святлана Маліноўская і начальнік галоўнага юрыдычнага ўпраўлення Міністэрства працы і сацыяльнай абароны Валянціна Маслоўская ўдастоены Падзякі Прэзідэнта за шматгадовую плённую працу, значны асабісты ўклад у рэалізацыю дзяржаўнай палітыкі ў галіне сацыяльнай абароны насельніцтва.

Намесніку дырэктара Беларускага інстытута стратэгічных даследаванняў Віталю Пунчанку Падзяка Прэзідэнта аб'яўлена за высокі прафесіяналізм, вялікі асабісты ўклад у інфармацыйна-аналітычнае суправаджэнне значных грамадска-палітычных падзей, а дырэктару камунальнага сельскагаспадарчага ўнітарнага прадпрыемства "Брылёва" Гомельскага раёна Аркадзю Кобрусеву - за шматгадовую плённую працу ў сельскагаспадарчай галіне, значны асабісты ўклад у рэалізацыю сацыяльнай і эканамічнай палітыкі краіны.