Разгляд кадравых пытанняў

Прэзідэнт Беларусі Аляксандр Лукашэнка 25 верасня разгледзеў кадравыя пытанні.

Кіраўнік дзяржавы назначыў:

Юрыя Горлава - памочнікам Прэзідэнта Рэспублікі Беларусь - інспектарам па Гомельскай вобласці.

Прэзідэнт таксама даў згоду на назначэнне:

Генадзя Сабыніча - старшынёй Віцебскага гарвыканкама, членам Віцебскага аблвыканкама;

Сяргея Сямёнычава - старшынёй Мёрскага райвыканкама;

Алега Макарэвіча - старшынёй Сенненскага райвыканкама;

Уладзіміра Бялова - старшынёй Івацэвіцкага райвыканкама;

Віктара Рафаловіча - старшынёй Ганцавіцкага райвыканкама;

Дзмітрыя Шынкарэнкі - старшынёй Кармянскага райвыканкама;

Дзмітрыя Чыгіра - старшынёй Дрыбінскага райвыканкама;

Алега Корсака - генеральным дырэктарам ААТ "Кіруючая кампанія холдынга "Бабруйскаграмаш";

Рамана Трубіцкага - генеральным дырэктарам ААТ "Кіруючая кампанія холдынга "Лідсельмаш";

Віктара Галанава - намеснікам Міністра прыродных рэсурсаў і аховы навакольнага асяроддзя;

Уладзіміра Навумовіча - намеснікам Міністра эканомікі;

Аляксея Героева - намеснікам старшыні Віцебскага аблвыканкама (пытанні будаўніцтва і ЖКГ);

Ігара Кузняцова - кіраўніком спраў Віцебскага аблвыканкама.

Аляксандр Лукашэнка пры ўзгадненні назначэнняў новых кіраўнікоў мясцовай вертыкалі ўлады параіў ім актыўней патрабаваць з падначаленых выканання пастаўленых задач.

Кіраўнік дзяржавы нагадаў, што некалькі дзён таму на рэспубліканскім семінары-нарадзе аб развіцці жывёлагадоўлі ставіўся шэраг задач. Больш таго, многія з будучых кіраўнікоў раёнаў таксама прысутнічалі на гэтым мерапрыемстве. "Тыя задачы, якія былі пастаўлены ў галіне жывёлагадоўлі, яны вам зразумелыя і вядомыя. Толькі папрашу вас: не "ўваходзьце ў становішча". Вы ведаеце, асабліва тыя, хто працаваў у аграрным сектары, што такое разумець становішча. Да вас цяпер прыйдуць і будуць расказваць, што тое ці іншае немагчыма", - сказаў Аляксандр Лукашэнка.

"Але, як я часта гавару, мы ж не на вайне. Мы робім у мірны час тое, што заўсёды рабілі і тое, што ўмеем рабіць. Прымусьце сваіх падначаленых гэта зрабіць", - даў наказ Кіраўнік дзяржавы.

Прэзідэнт заўважыў, што ва ўсіх абласцях хапае тых ці іншых праблемных пытанняў, але ў павышанай увазе маюць патрэбу тры рэгіёны: "Віцебская і Гомельская вобласці, Магілёўшчына - гэта жалезны кантроль".

Кіраўнік дзяржавы даў новым кіраўнікам мясцовай вертыкалі шэраг даручэнняў з прычыны маючых адбыцца ў краіне электаральных кампаній.

"Я вас вельмі прашу і яшчэ раз падкрэсліваю: кампартыі няма, усё ў вашых руках (параўнанне з савецкім часам, калі партыйныя органы на месцах адыгрывалі значную ролю. - Заўвага). Наперадзе важныя электаральныя кампаніі, дзе ідэалагічны складнік мае першараднае значэнне. Працуйце, думайце, хто будзе прадстаўляць вас у парламенце, Усебеларускім народным сходзе. Мы абсалютна не ўтойваем тое, што мы некага будзем падтрымліваць. Гэта зразумела. Калі б мы цяпер, ведаеце, такімі нявіннымі сябе прадстаўлялі, з нас проста смяяліся б, - сказаў Кіраўнік дзржавы. - Ні ў адной дзяржаве, самай дэмакратычнай... Вазьміце, нас увесь час амерыканцы вучылі. Вы бачыце, як там праходзіла і праходзіць выбарчая кампанія. Барані нас бог так праводзіць яе, па пошце асабліва. І калі б мы так праводзілі, нас - цяпер не, а раней - з зямлі сцерлі б".

"Таму ў нас ёсць свае задачы, ёсць свае мэты. Вызначаеце дастойных патрыятычных людзей, прафесіяналаў. І падтрымлівайце іх на парламенцкіх выбарах і ва Усебеларускі народны сход. Нічога я не ўтойваю і вам утойваць няма чаго. Але гэта павінны быць прафесіяналы, дастойныя людзі. Каб людзі, даведаўшыся пра кандыдатаў, якіх мы падтрымліваем, не кідалі нам у твар усякія гадасці. Разумных, таленавітых людзей у нас дастаткова", - дадаў Аляксандр Лукашэнка.

Памочнік Прэзідэнта - інспектар па Гомельскай вобласці Юрый Горлаў да назначэння на гэту пасаду працаваў старшынёй Маладзечанскага райвыканкама. Карыстаючыся выпадкам, Аляксандр Лукашэнка пацікавіўся станам спраў у раёне.

"Сітуацыя стабільная, па выніках першага паўгоддзя, сямі месяцаў бягучага года выконваюцца ўсе асноўныя паказчыкі сацыяльна-эканамічнага развіцця", - далажыў Юрый Горлаў.

Прэзідэнт спытаў, якое самае праблемнае прадпрыемства ў Маладзечне. Ім аказаўся завод металаканструкцый. Прадпрыемства не мае неабходнай загрузкі, і да вырашэння гэтай праблемы падключаліся ўжо на розных узроўнях, шэраг даручэнняў дадзены ў тым ліку Прэм'ер-міністрам.

"Магутнасцей Маладзечанскага раёна і Мінскай вобласці недастаткова (каб загрузіць работай завод. - Заўвага). Уносілі прапанову, каб задзейнічаць гэта прадпрыемства ў прамысловасці рэспублікі", - растлумачыў сутнасць праблемы Юрый Горлаў.

Разам з тым ён канстатаваў, што ў краіне ёсць і іншыя прадпрыемствы, якія вырабляюць падобную прадукцыю. Таму завод шукае заказы і за мяжой, і цяпер у рабоце праект з расійскімі партнёрамі. "Думаю, што ўжо ў бягучым годзе мы эксперыментальныя ўзоры кантэйнераў для перавозкі ЗПГ (звадкаванага прыроднага газу) усё ж пачнём вырабляць. Калі мы з імі завяжамся, то, у прынцыпе, прадпрыемства ўжо будзе загружана на 60-70%. Зможам зрабіць. Ужо ёсць узоры", - сказаў цяпер ужо экс-кіраўнік раёна.

"Калі зробіце, яны ў вас закажуць. Таму што ў іх попыт вялізны там. Трэба якасна проста зрабіць", - адрэагаваў Прэзідэнт.

"Гэта не толькі (для транспарціроўкі. - Заўвага) па чыгунцы. Яшчэ для марскіх суднаў", - удакладніў Юрый Горлаў.

"Тым больш!" - заўважыў Кіраўнік дзяржавы.

Юрый Горлаў прадоўжыў: "З Ленінградскай вобласцю, Санкт-Пецярбургам вось завязаліся. Мы сумесна працуем. Яны не адмаўляюцца, ідуць насустрач. Нядаўна сустрэча адбылася мая асабіста з гэтымі прадстаўнікамі. Мы над гэтым пытаннем працуем".

На заканчэнне размовы Аляксандр Лукашэнка даручыў Юрыю Горлаву і ў час работы на новай пасадзе ўзяць абазначаныя пытанні на кантроль і ў далейшым далажыць: "Пройдзе гэты год, наступны пачнецца - папярэдзьце ўрад, што ў вас гэта ўсё на кантролі. Мне даложыце. Тое, што рабілі ў Маладзечне і могуць рабіць па металаканструкцыях, ні адно ў краіне прадпрыемства зрабіць не можа. Гэта моцнае прадпрыемства. І паглядзіце, каб яно працавала на ўсю краіну. З гэтага трэба зыходзіць. Што гэта за местачковасць: вось, яно размешчана ў Маладзечне, значыць, на Мінскую вобласць і далей ні кроку?"