Аб заснаванні памятнага нагруднага знака Кіраўніцтва справамі Прэзідэнта Рэспублікі Беларусь
Кіраўнік дзяржавы Аляксандр Лукашэнка 18 ліпеня падпісаў Указ № 296 аб заснаванні памятнага нагруднага знака "30 год Кіраўніцтву справамі Прэзідэнта Рэспублікі Беларусь".
Дакументам зацверджаны палажэнне аб нагрудным знаку, яго апісанне і выява.
Нагрудны знак уяўляе сабой круглы медальён, на аверсе якога ў цэнтры размешчана залацістая эмблема Кіраўніцтва справамі Прэзідэнта Рэспублікі Беларусь, а па перыметры - залацістае кальцо з арнаменту дзяржаўнага сцяга і надпіс "1994 - 2024". На рэверсе - надпіс "Кіраўніцтва справамі Прэзідэнта Рэспублікі Беларусь".
Узнагароджваць памятным нагрудным знакам будуць работнікаў Кіраўніцтва справамі Прэзідэнта Беларусі і арганізацый, якія ўваходзяць у яго сістэму або акцыі якіх знаходзяцца ў яго кіраванні, калі яны дасягнулі высокіх вынікаў у службовай (працоўнай) дзейнасці, узорна выконваюць свае абавязкі, унеслі значны ўклад у вырашэнне задач, пастаўленых перад Кіраўніцтвам справамі Прэзідэнта Беларусі. Да ўзнагароды могуць быць прадстаўлены і іншыя асобы за эфектыўнае садзейнічанне ў вырашэнні абазначаных задач, актыўнае развіццё і ўмацаванне міжведамасных сувязей.
