Аб аб'яўленні Падзякі Прэзідэнта Рэспублікі Беларусь
Дзяржаўных узнагарод і Падзякі Прэзідэнта ўдастоены 48 прадстаўнікоў розных сфер дзейнасці, а таксама тры ўстановы. Адпаведныя Указ і распараджэнне падпісаў 30 снежня Прэзідэнт Беларусі Аляксандр Лукашэнка.
Ордэны, медалі і ганаровыя званні прысвоены 38 работнікам розных прадпрыемстваў, арганізацый і структур за шматгадовую плённую працу, высокі прафесіяналізм, значны асабісты ўклад ва ўдасканаленне судовай сістэмы, барацьбу са злачыннасцю, забеспячэнне канстытуцыйнай законнасці, дзяржаўнай бяспекі, абарону дзяржаўных інтарэсаў, рэалізацыю дзяржаўнай інфармацыйнай палітыкі, развіццё нафтавай і хімічнай прамысловасці, высокія вытворчыя паказчыкі, выдатныя дасягненні ў дзяржаўнай службе, праектнай дзейнасці, сферах аховы здароўя, адукацыі, навукі, культуры і спорту.
Ордэнам Айчыны ІІ ступені ўзнагароджаны Старшыня Вярхоўнага Суда Беларусі (1997-2025 гады) Валянцін Сукала. Ордэнам Айчыны ІІІ ступені - Старшыня Канстытуцыйнага Суда Беларусі (2008-2025 гады) Пётр Міклашэвіч і дырэктар НДІ прыкладных праблем матэматыкі і інфарматыкі БДУ Юрый Харын. Прафесар кафедры міжнародных адносін БДУ Аляксандр Шарапа ўзнагароджаны ордэнам Пашаны.
Медаля "За адзнаку ў ахове грамадскага парадку" ўдастоены сямёра супрацоўнікаў Следчага камітэта, у тым ліку старшы следчы па асоба важных справах аддзела па расследаванні злачынстваў у сферы арганізаванай злачыннасці і карупцыі па Брэсцкай вобласці галоўнага ўпраўлення па расследаванні злачынстваў у сферы арганізаванай злачыннасці і карупцыі цэнтральнага апарату СК Юрый Гарын і начальнік крыміналістычнага аддзела УСК па Гомельскай вобласці Андрэй Кашэвіч.
Вялікая група работнікаў удастоена медаля "За працоўныя заслугі". У іх ліку - намеснік дырэктара па асноўнай дзейнасці Мінскага абласнога цэнтра карэкцыйна-развіваючага навучання і рэабілітацыі Аксана Дзіякевіч, настаўнік фізікі сярэдняй школы № 34 Бабруйска Святлана Здаранкова, вышкамантажнік-зваршчык РУП "Вытворчае аб'яднанне "Беларуснафта" Аляксандр Пішчык і ўрач-хірург Брэсцкай цэнтральнай гарадской бальніцы Іван Скаржынскі.
Медалём Францыска Скарыны ўзнагароджаны першы намеснік старшыні Нацыянальнай дзяржаўнай тэлерадыёкампаніі (НДТРК) Сяргей Гусачэнка і дырэктар Нацыянальнага філіяла (прадстаўніцтва) Міждзяржаўнай тэлерадыёкампаніі "Мір" у Беларусі Вольга Шпілеўская.
Медалём "За бездакорную службу" ІІ ступені адзначаны заслугі начальніка галоўнага фінансавага ўпраўлення Кіраўніцтва справамі Прэзідэнта Беларусі Дзмітрыя Хвашчэўскага, медалём "За бездакорную службу" ІІІ ступені - Алены Міцьковай і Святланы Насаковай - намесніка начальніка юрыдычнага ўпраўлення і начальніка аддзела кадравай работы Кіраўніцтва справамі Прэзідэнта Беларусі.
Указам таксама прысвоены ганаровыя званні Рэспублікі Беларусь.
Звання "Заслужаны работнік сродкаў масавай інфармацыі" ўдастоены дырэктар - галоўны рэдактар установы Адміністрацыі Прэзідэнта Беларусі "Выдавецкі дом "Беларусь сегодня" Дзмітрый Жук, "Заслужаны супрацоўнік органаў дзяржаўнай бяспекі" - Старшыня КДБ Іван Тэртэль, "Заслужаны майстар спорту" - спартсмен-інструктар нацыянальнай каманды Беларусі па скачках на батуце Рэспубліканскага цэнтра алімпійскай падрыхтоўкі па гімнастычных відах спорту Іван Літвіновіч.
Падзяка Прэзідэнта аб'яўлена 10 прадстаўнікам розных сфер дзейнасці, а таксама тром установам: Гомельскаму хімічнаму заводу - за значны ўклад у развіццё хімічнай прамысловасці і эфектыўную вытворчую дзейнасць, РЦАП па гімнастычных відах спорту і РЦАП "Стайкі" - за значны ўклад у развіццё адпаведных відаў спорту і падрыхтоўку спартсменаў высокага класа.
Узнагароды ўдастоены намеснік начальніка авіяцыйна-тэхнічнай базы па вытворчасці ААТ "Авіякампанія "Белавія" Максім Зарэцкі і дырэктар філіяла "Завод зборкі ІМС і ПП" ААТ "ІНТЭГРАЛ" - кіруючая кампанія холдынга "ІНТЭГРАЛ" Аляксандр Мелец - за шматгадовую плённую працу, высокі прафесіяналізм і значны асабісты ўклад у развіццё грамадзянскай авіяцыі і мікраэлектронікі адпаведна.
Спартсмену-інструктару нацыянальнай каманды Беларусі па вольнай барацьбе РЦАП "Стайкі" Ірыне Курачкінай Падзяка Прэзідэнта аб'яўлена за высокае прафесійнае майстэрства, дасягненне выдатных спартыўных вынікаў у міжнародных і рэспубліканскіх спаборніцтвах па вольнай барацьбе. Старшыня Беларускай федэрацыі барацьбы Алім Селімаў і прафесар кафедры лёгкай атлетыкі Беларускага дзяржаўнага ўніверсітэта фізічнай культуры Тадэвуш Юшкевіч удастоены гэтай узнагароды за добрасумленную плённую працу, высокі прафесіяналізм, значны асабісты ўклад у развіццё фізкультуры і спорту.
За значны асабісты ўклад у рэалізацыю дзяржаўнай інфармацыйнай палітыкі, высокі прафесіяналізм, аб'ектыўнае і ўсебаковае асвятленне падзей грамадска-палітычнага, эканамічнага і сацыяльна-культурнага жыцця краіны Падзяка Прэзідэнта аб'яўлена пяцярым работнікам СМІ. Узнагароды ўдастоены генеральны прадзюсар генеральнага прадзюсарскага цэнтра Беларускага радыё НДТРК Антон Васюкевіч, уласны карэспандэнт аддзела карэспандэнцкай сеткі дырэкцыі інфармацыйнага вяшчання ЗАТ "Другі нацыянальны тэлеканал" Максім Вечаркоў, галоўны дырэктар галоўнай дырэкцыі тэлеканала "Першы інфармацыйны" НДТРК Наталля Гарахавік, палітычны аглядальнік аддзела палітычных аглядальнікаў дырэкцыі інфармацыйнага вяшчання ЗАТ "Сталічнае тэлебачанне" Яўген Пуставой і начальнік сектара па апрацоўцы фотаінфармацыі аддзела па асвятленні дзейнасці Прэзідэнта Рэспублікі Беларусь рэдакцыі па асвятленні дзейнасці Прэзідэнта Рэспублікі Беларусь РУП "Беларускае тэлеграфнае агенцтва" Ірына Ягоршына.
