Аб замежнай бязвыплатнай дапамозе

Прэзідэнт Беларусі Аляксандр Лукашэнка 25 мая падпісаў Дэкрэт № 3 "Аб замежнай бязвыплатнай дапамозе".

У дакуменце замацаваны асноўныя патрабаванні да парадку рэгістрацыі, падаткаабкладання і выкарыстання адпаведнай дапамогі.

Максімальна канкрэтна вызначаны мэты, на якія яна можа быць выкарыстана: аказанне медыцынскай дапамогі і сацыяльнай дапамогі, развіццё бібліятэчнай і музейнай справы, забеспячэнне спартыўным абсталяваннем і іншыя сацыяльна значныя мэты. Дапамога, якая паступае на гэтыя мэты, будзе вызваляцца ад падаткаабкладання па рашэнні Кіраўніцтва справамі Прэзідэнта Беларусі. Магчымасць выкарыстання дапамогі на іншыя мэты будзе вызначацца спецыяльна створанай міжведамаснай камісіяй з адначасовым прыняццем рашэння аб прадастаўленні падатковых ільгот.

Пры гэтым ад падаткаабкладання будзе вызваляцца не толькі дапамога, але і тавары (работы, паслугі), што набываюцца (выконваюцца, аказваюцца) на тэрыторыі краіны за кошт сродкаў такой дапамогі.

За вызваленнем ад падаткаў, збораў (пошлін) змогуць звярнуцца любыя фізічныя асобы - атрымальнікі дапамогі. У выпадку калі дапамога не вызваляецца ад падаткаў, збораў (пошлін), з яе атрымальнікаў - юрыдычных асоб і індывідуальных прадпрымальнікаў будзе брацца плата за рэгістрацыю ў Дэпартаменце па гуманітарнай дзейнасці Кіраўніцтва справамі Прэзідэнта Беларусі ў памеры 0,5% ад сумы (кошту) такой дапамогі.

Усе працэдурныя пытанні паступлення дапамогі, яе рэгістрацыі і ўліку будуць урэгуляваны Урадам сумесна з Кіраўніцтвам справамі Прэзідэнта Беларусі, Нацыянальным банкам і іншымі зацікаўленымі на падзаконным узроўні. Пры гэтым у адпаведнасці з патрабаваннямі Кіраўніка дзяржавы ўсе бюракратычныя працэдуры па рэгістрацыі дапамогі будуць зведзены да мінімуму.

Дэкрэт прызнае страціўшым сілу Дэкрэт ад 31 жніўня 2015 года № 5 "Аб замежнай бязвыплатнай дапамозе" і ўступае ў сілу праз тры месяцы пасля яго афіцыйнага апублікавання.