Намеснік Кіраўніка Адміністрацыі Прэзідэнта Уладзімір Пярцоў прыняў удзел у 45-м з'ездзе БРСМ

Намеснік Кіраўніка Адміністрацыі Прэзідэнта Уладзімір Пярцоў у час 45-га з'езда Беларускага рэспубліканскага саюза моладзі ў Нацыянальнай бібліятэцы Беларусі ў Мінску заклікаў яго ўдзельнікаў папулярызаваць у інтэрнэце прыгажосць роднай Беларусі.

"Вы з'яўляецеся спажыўцамі інтэрнэт-кантэнту, таму ў тых мэсэнджарах, сацыяльных сетках, у якіх вы знаходзіцеся, - не толькі ў рамках вашых цудоўных акцый, пад вашымі хэштэгамі, але і ў паўсядзённай вашай працы, вашай вучобе, - старайцеся заўважаць, прыкмячаць і выкладваць усё тое лепшае, што адбываецца вакол вас, адлюстроўваць прыгажосць нашай роднай Беларусі. Тады вы ўнесяце свой уклад у тое, каб больш людзей далучылася да радоў вашага саюза", - падкрэсліў Намеснік Кіраўніка Адміністрацыі Прэзідэнта.

Паводле яго слоў, тыя якасці, якімі валодаюць актывісты БРСМ, - дасведчанасць і палітычная падкаванасць, патрыятызм - дапамогуць рэалізоўваць пастаўленыя перад саюзам задачы.

"80 чалавек ад вашай арганізацыі зусім хутка будуць удзельнічаць у якасці дэлегатаў у галоўным прадстаўнічым органе нашай краіны - Усебеларускім народным сходзе. Нараўне з дэпутатамі, членамі Урада, прадстаўнікамі рэгіёнаў яны будуць галасаваць за прыняцце Канцэпцыі нацыянальнай бяспекі і Ваеннай дактрыны. Упэўнены, што як людзі дапытлівыя, маладыя і якія часам маюць свой асаблівы пункт гледжання, вы будзеце задаваць пытанні, вы нават будзеце з нечым не згаджацца. Але я ўпэўнены, што калі вы будзеце не згаджацца, то будзеце прапаноўваць сваю альтэрнатыўную, канструктыўную пазіцыю па тых ці іншых пытаннях", - адзначыў Уладзімір Пярцоў.