Намеснік Кіраўніка Адміністрацыі Прэзідэнта Ігар Луцкі прыняў удзел у IX (пазачарговым) з'ездзе ФПБ

Намеснік Кіраўніка Адміністрацыі Прэзідэнта Ігар Луцкі 5 красавіка на ІХ (пазачарговым) з'ездзе ФПБ агучыў задачы, якія стаяць перад Федэрацыяй прафсаюзаў Беларусі.

"У цэлым работы будзе шмат. У вельмі няпросты час мы з вамі жывём. Галоўныя задачы ФПБ зразумелыя", - сказаў Ігар Луцкі.

"Па-першае, абарона інтарэсаў працоўных калектываў, недапушчэнне неабгрунтаванага скарачэння людзей і пераводу работнікаў на няпоўны працоўны дзень. Але, што самае галоўнае, сёння ідзе барацьба за чалавечыя рэсурсы. І адна з асноўных задач прафсаюзаў - гэта, вядома ж, падрыхтоўка нашай моладзі, мэтавая падрыхтоўка спецыялістаў. Мы не павінны ўпусціць нашу моладзь, і задача прафсаюзаў у гэтым вызначальная", - адзначыў Намеснік Кіраўніка Адміністрацыі Прэзідэнта.

Другі напрамак - кантраляванне выканання законаў, якія закранаюць эканамічныя і сацыяльныя інтарэсы працоўнага чалавека.

"Трэці напрамак - умацаванне станоўчага іміджу Рэспублікі Беларусь на міжнароднай арэне. Мы павінны знаходзіць ва ўсім свеце сяброў, партнёраў, тых, хто падтрымлівае нашы традыцыйныя каштоўнасці, наш суверэнітэт і незалежнасць, - падкрэсліў Ігар Луцкі. - Яшчэ адна задача, якая стаіць перад прафсаюзамі, пашырэнне прафсаюзнага руху - стварэнне прафсаюзных структур ва ўсіх арганізацыях краіны, нягледзячы на тое, прыватная яна ці дзяржаўная".

"Галоўная ўмова вырашэння ўсіх гэтых задач - вядома, ваша адзінства. Толькі разам мы захаваем суверэнітэт і незалежнасць краіны і даб'ёмся рэальных поспехаў у дабрабыце нашай дзяржавы", - канстатаваў Намеснік Кіраўніка Адміністрацыі Прэзідэнта.