Намеснік Кіраўніка Адміністрацыі Прэзідэнта Ігар Луцкі прыняў удзел у пасяджэнні рэспубліканскага міжведамаснага каардынацыйнага савета па патрыятычным выхаванні

У Беларусі ўзровень павагі і даверу да дзяржсімвалаў заўсёды быў высокі, заявіў Намеснік Кіраўніка Адміністрацыі Прэзідэнта Ігар Луцкі 3 красавіка на пасяджэнні рэспубліканскага міжведамаснага каардынацыйнага савета па патрыятычным выхаванні насельніцтва па тэме "Фарміраванне павагі да дзяржаўных сімвалаў" у Нацыянальнай бібліятэцы.

"Канстытуцыя Беларусі гаворыць аб тым, што сімваламі Рэспублікі Беларусь як суверэннай дзяржавы з'яўляюцца Дзяржаўны сцяг, Дзяржаўны герб і Дзяржаўны гімн. У нашу Канстытуцыю таксама былі ўнесены змяненні ў частцы паважлівага стаўлення да дзяржаўнай сімволікі. Хто б ні знаходзіўся на тэрыторыі Рэспублікі Беларусь - павінен паважліва да яе ставіцца. І сённяшні каардынацыйны рэспубліканскі савет будзе разглядаць пытанні фарміравання паважлівага стаўлення да дзяржаўнай сімволікі ў рамках грамадзянска-патрыятычнага выхавання. Гэта вельмі важны момант", - сказаў Ігар Луцкі.

"Ёсць пэўныя моманты, якія мы павінны абмеркаваць, - і арганізацыйна-прававыя, і ідэалагічнага характару. Нам трэба рухацца далей. Мы павінны разумець, што нельга спыняцца на гэтым шляху. Як толькі ты аслабіш хватку, адразу ж могуць узнікаць якія-небудзь праблемы ", - адзначыў Намеснік Кіраўніка Адміністрацыі Прэзідэнта.

"Павага да нашай сімволікі закладваецца з самага дзяцінства: у сям'і, ва ўстановах адукацыі. Сёння будуць выступаць па гэтых тэмах прадстаўнікі розных грамадскіх арганізацый, органаў дзяржаўнага кіравання. Мы разлічваем на канструктыўную размову. І гэта размова павінна прынесці рэальны практычны плён, каб мы і далей любілі, цанілі, паважалі і ганарыліся нашай сімволікай", - дапоўніў Ігар Луцкі.

"Дзяржаўныя сімвалы - гэта люстэрка нашых нацыянальных каштоўнасцей, ідэнтычнасці нашага народа, якія раскрываюць яго душу, гісторыю, памкненні", - сказаў ён.

У Намесніка Кіраўніка Адміністрацыі Прэзідэнта пацікавіліся, чаму важна ведаць і паважаць дзяржаўныя сімвалы. "Гэта ж наша гісторыя, адлюстраванне нашага я, - падкрэсліў ён. - Мы, беларусы, заўсёды ганарыліся сваёй сімволікай. Наш сцяг мае ўнікальны арнамент, які ідзе з глыбіні стагоддзяў. Там закадзіравана наша свядомасць, нашы традыцыі. Калі мы губляем нашы традыцыі, мы губляем краіну, губляем суверэнітэт. 19-ы артыкул Канстытуцыі гаворыць: гэта сімвалы суверэннай дзяржавы".

Праяўленне павагі і любові да дзяржсімвалаў у лічбавым асяроддзі ў выглядзе разнастайных акцый таксама мае вялікае значэнне, упэўнены Ігар Луцкі. "Вы бачыце, як шмат іх праходзіць у TikTok, Instagram, калі людзі выкладваюць свае фатаграфіі з дзяржаўнай сімволікай. Мы бачым, што гэта вельмі ўзнімае наш патрыятычны дух. У гэтым напрамку будзем працаваць, вядома ж", - дапоўніў Ігар Луцкі.