Кіраўнік Адміністрацыі Прэзідэнта Ігар Сергяенка наведаў Быхаўскі раён Магілёўскай вобласці
Кіраўнік Адміністрацыі Прэзідэнта Ігар Сергяенка прыняў удзел у абласной селектарнай нарадзе, прысвечанай пытанням аграпрамысловага комплексу і правядзення веснавых палявых работ у Магілёўскай вобласці. Сустрэча праходзіла 13 красавіка ў Быхаўскім райвыканкаме з удзелам усіх кіраўнікоў раёнаў, якія далучыліся да абмеркавання ў фармаце відэаканферэнцыі.
Паводле слоў Кіраўніка Адміністрацыі Прэзідэнта, у Магілёўскай вобласці ёсць усё неабходнае для якаснага і своечасовага правядзення пасяўной кампаніі. "Нашы працаўнікі засумавалі па актыўнай рабоце і чакаюць, каб хутчэй можна было выйсці на ўзворванне, пасадку розных культур. Якіх-небудзь сур'ёзных пытанняў сёння не прагучала. Так, была крытыка ў адрас асобных кіраўнікоў раёнаў за недастатковую арганізацыю працы. Відавочна, што тэмпы і якасць работ будуць залежаць ад арганізаванасці, ад таго, наколькі змогуць кіраўнікі раёнаў, гаспадарак арганізаваць работу, зацікавіць людзей, матэрыяльна, маральна заахвоціць. Для гэтага ўсё робіцца: харчаванне, работа двухзменная, у начны час", - падкрэсліў Ігар Сергяенка.
Зацяжная вясна і неспрыяльнае надвор'е крыху запаволілі пачатак пасяўной: паводле даных Міністэрства сельскай гаспадаркі і харчавання на 11 красавіка, 13 з 21 раёна вобласці не выйшлі ў палі. Аднак, як адзначыў першы намеснік старшыні Магілёўскага аблвыканкама Анатоль Уласевіч, гэта не павінна паўплываць на якасць і своечасовасць праводзімых у палях работ. "Для падрыхтоўкі да вясенніх палявых работ з абласнога бюджэту выдзелена і затрачана Br132 млн, адрамантавана каля 2 тыс. адзінак тэхнікі. Гатоўнасць тэхнікі па раёнах вар'іруецца ў межах 95-100%, ёсць неабходны запас паліва. У дастатковай колькасці і ўгнаенняў. Запас азотных угнаенняў складае 40%, грошы для набыцця ёсць, угнаенні прадаўжаюць паступаць у вобласць. У мінулым годзе на асенняй пасяўной, на пад'ёме зябліва ўнеслі на 136 тыс. га калійныя ўгнаенні. Тое, што ўнесена вясной, - гэта дапаўненне да мінулых работ. Нашы арганізацыі цалкам забяспечаны насенным матэрыялам", - адзначыў ён.
Падключыліся да дапамогі аграрыям прадпрыемствы і арганізацыі рэгіёна: выдзелена 110 адзінак тэхнікі, на дапамогу адправіліся больш за 300 механізатараў.
Па выніках нарады Ігар Сергяенка выказаў упэўненасць, што, нягледзячы на капрызы надвор'я, пасяўная ў Магілёўскай вобласці пройдзе паспяхова. "Упэўнены, што пры той маштабнай арганізацыі, падрыхтоўчай рабоце, якая была зроблена Магілёўскім аблвыканкамам, усё павінна прайсці ў абазначаныя Кіраўніком дзяржавы тэрміны", - падагульніў ён.
Пасля гэтага Кіраўнік Адміністрацыі Прэзідэнта разам з памочнікам Прэзідэнта - інспектарам па Магілёўскай вобласці Леанідам Мартынюком і старшынёй Магілёўскага аблвыканкама Анатолем Ісачанкам прыняў удзел у пасяджэнні Быхаўскага райвыканкама, дзе разглядалася пытанне аб выніках развіцця раёна ў І квартале 2022 года.