Кіраўнік Адміністрацыі Прэзідэнта Ігар Сергяенка наведаў ААТ "Нафтан"

Кіраўнік Адміністрацыі Прэзідэнта Беларусі Ігар Сергяенка і сілавы блок краіны 2 лістапада правялі ў Наваполацку сустрэчу з актывам горада і членамі працоўнага калектыву ААТ "Нафтан", у час якой абмеркавалі грамадска-палітычную абстаноўку і эканамічную сітуацыю ў Беларусі і за мяжой.

Як адзначыў Кіраўнік Адміністрацыі Прэзідэнта Рэспублікі Беларусь Ігар Сергяенка, прадстаўнікі сілавых ведамстваў на адно з вядучых прадпрыемстваў Віцебскай вобласці і краіны прыбылі з інфармацыйнай місіяй. "Па даручэнні Кіраўніка дзяржавы мы прыехалі да вас, каб праінфармаваць аб тых змяненнях, якія адбываюцца ў нас у краіне, у тым ліку ў эканоміцы, а таксама далажыць аб тых пагрозах, якія ідуць з боку знешняга акружэння і калектыўнага Захаду, і бар'ерах, якія хвалююць нас з правядзеннем спецыяльнай аперацыі на тэрыторыі Украіны. Хацелася б, каб з нашай размовы і з таго аналізу абстаноўкі, які мы праводзілі, вы вынеслі максімум праўды. Самае галоўнае, што кожны на сваім месцы павінен спакойна займацца сваёй работай. Мы ўсе павінны клапаціцца аб уласнай бяспецы. Сёння як ніколі ўзнікаюць пытанні адзінства і згуртаванасці і калектываў, і грамадства ў цэлым. Любая разбалансіроўка сістэмы, не толькі кіраўніцкай вертыкалі, але і ў цэлым у рэгіёнах, у калектывах, небяспечная на хаос, спад кіруемасці, расхлябанасць, таму дысцыпліна павінна быць на ўсіх рабочых месцах і ў адносінах да ўсіх", - падкрэсліў Ігар Сергяенка.

Таксама ён расказаў, што нягледзячы на існуючыя цяжкасці краіна, страціўшы заходнія рынкі, у гэтым годзе змагла перабудавацца і забяспечыць і нацыянальную, і эканамічную бяспеку.