Зварот да беларусаў і расіян з нагоды Дня яднання народаў Беларусі і Расіі
Дарагія беларусы і расіяне!
Дзень яднання народаў Беларусі і Расіі сімвалізуе цвёрдую прыхільнасць нашых краін да шматвяковай дружбы і агульных духоўных каштоўнасцей. Непадзельная спадчына мінулага, у якой былі Вялікая Перамога і стваральная праца некалькіх пакаленняў, абумовіла лёсавызначальнае рашэнне разам будаваць сваю будучыню.
У гэтым годзе спаўняецца дваццаць гадоў з дня падпісання Дагавора аб стварэнні Саюзнай дзяржавы. Гэты адносна невялікі гістарычны перыяд адзначаны важкімі дасягненнямі ў многіх галінах супрацоўніцтва, напоўнены бясцэнным вопытам эфектыўнага вырашэння жыццёва важных задач.
Закладзеныя ў аснову нашага яднання прынцыпы ўзаемнага даверу і раўнапраўя даюць магчымасць праводзіць узгодненую знешнюю палітыку, паспяхова змагацца з сучаснымі выклікамі і пагрозамі. Саюзнае будаўніцтва забяспечвае захаванне агульнай гуманітарнай прасторы, паглыбленне ўсебаковых культурных сувязей, падтрыманне цёплых чалавечых адносін.
Рэальныя перавагі Саюза сёння адчуваюць мільёны беларусаў і расіян. Паміж нашымі краінамі няма адчужанасці, ёсць свабода перамяшчэння і працаўладкавання, сацыяльныя гарантыі, роўны доступ да медыцынскіх паслуг і адукацыі.
Неабходна і далей пашыраць беларуска-расійскае супрацоўніцтва. Сур'ёзнаму росту глабальнай канкурэнцыі, узмацненню пратэкцыянізму і ізаляцыянізму мы павінны проціпаставіць сапраўдную інтэграцыю, рашучае ўстараненне штучных бар'ераў і абмежаванняў у эканоміцы, рэалізацыю маштабных праектаў.
Перакананы, што разам нам гэта па сілах.
Дарагія сябры!
Прыміце сардэчныя віншаванні з Днём яднання Беларусі і Расіі і найлепшыя пажаданні добрага здароўя, шчасця і дабрабыту.
Няхай у нашым брацкім Саюзе заўсёды пануюць мір, згода і ўзаемны давер!
Аляксандр Лукашэнка
Дзень яднання народаў Беларусі і Расіі сімвалізуе цвёрдую прыхільнасць нашых краін да шматвяковай дружбы і агульных духоўных каштоўнасцей. Непадзельная спадчына мінулага, у якой былі Вялікая Перамога і стваральная праца некалькіх пакаленняў, абумовіла лёсавызначальнае рашэнне разам будаваць сваю будучыню.
У гэтым годзе спаўняецца дваццаць гадоў з дня падпісання Дагавора аб стварэнні Саюзнай дзяржавы. Гэты адносна невялікі гістарычны перыяд адзначаны важкімі дасягненнямі ў многіх галінах супрацоўніцтва, напоўнены бясцэнным вопытам эфектыўнага вырашэння жыццёва важных задач.
Закладзеныя ў аснову нашага яднання прынцыпы ўзаемнага даверу і раўнапраўя даюць магчымасць праводзіць узгодненую знешнюю палітыку, паспяхова змагацца з сучаснымі выклікамі і пагрозамі. Саюзнае будаўніцтва забяспечвае захаванне агульнай гуманітарнай прасторы, паглыбленне ўсебаковых культурных сувязей, падтрыманне цёплых чалавечых адносін.
Рэальныя перавагі Саюза сёння адчуваюць мільёны беларусаў і расіян. Паміж нашымі краінамі няма адчужанасці, ёсць свабода перамяшчэння і працаўладкавання, сацыяльныя гарантыі, роўны доступ да медыцынскіх паслуг і адукацыі.
Неабходна і далей пашыраць беларуска-расійскае супрацоўніцтва. Сур'ёзнаму росту глабальнай канкурэнцыі, узмацненню пратэкцыянізму і ізаляцыянізму мы павінны проціпаставіць сапраўдную інтэграцыю, рашучае ўстараненне штучных бар'ераў і абмежаванняў у эканоміцы, рэалізацыю маштабных праектаў.
Перакананы, што разам нам гэта па сілах.
Дарагія сябры!
Прыміце сардэчныя віншаванні з Днём яднання Беларусі і Расіі і найлепшыя пажаданні добрага здароўя, шчасця і дабрабыту.
Няхай у нашым брацкім Саюзе заўсёды пануюць мір, згода і ўзаемны давер!
Аляксандр Лукашэнка