Віншаванне жыхарам Нясвіжа і Нясвіжскага раёна з 800-гадовым юбілеем горада
Жыхарам г.Нясвіжа і Нясвіжскага раёна
Паважаныя жыхары Нясвіжа і Нясвіжскага раёна!
Прыміце самыя шчырыя віншаванні і цёплыя пажаданні з нагоды 800-гадовага юбілею горада.
Нясвіж - горад-легенда, калыска беларускага кнігадрукавання, тэатральнага, мастацкага і музычнага мастацтва, каштоўная жамчужына на карце Беларусі. Яго архітэктурную прыгажосць і культурныя багацці стагоддзямі стваралі многія пакаленні нашых продкаў. Штогод сюды накіроўваюцца сотні тысяч турыстаў, каб дакрануцца да самабытнай і яркай гісторыі мудрага, таленавітага і працавітага беларускага народа.
Дастойна прадаўжаючы старажытныя традыцыі, Нясвіжскі раён сёння адыгрывае важную ролю ў сацыяльна-эканамічным развіцці Мінскай вобласці, з'яўляючыся лідарам у вытворчасці сельскагаспадарчай прадукцыі. У аснове гэтых высокіх дасягненняў - беражлівае стаўленне да сваёй зямлі і любоў да малой радзімы жыхароў рэгіёна.
Упэўнены, што і ў далейшым вы будзеце рабіць усё магчымае, каб родны горад, раён і ўся наша краіна працвіталі.
Жадаю ўсім моцнага здароўя і новых здзяйсненняў. Няхай вынікі вашай працы стануць прадметам гонару для будучых пакаленняў.
Аляксандр Лукашэнка