Віншаванне з Днём ратавальніка

Работнікам і ветэранам органаў і падраздзяленняў па надзвычайных сітуацыях

Паважаныя таварышы!

Ад усёй душы віншую вас з прафесійным святам – Днём ратавальніка!

Грамадства высока цэніць самаадданасць тых, хто пастаянна знаходзіцца на баявым пасту і гатовы рызыкаваць уласным жыццём у імя выратавання іншых.

Мужнасць і гатоўнасць да самаахвяравання з'яўляюцца адметнымі рысамі многіх пакаленняў ратавальнікаў. За час сваёй службы, звязанай з трывогамі і небяспекай, вы неаднаразова дэманстравалі вытрымку, стойкасць і адвагу.

Сёння органы і падраздзяленні па надзвычайных сітуацыях маюць магутны патэнцыял і могуць на высокім узроўні вырашаць пастаўленыя задачы.

Упэўнены, што вы і ў далейшым будзеце ўзорам адданага служэння сваёй краіне і свайму народу.

У гэты святочны дзень шчыра жадаю вам новых поспехаў у адказнай службе, а таксама моцнага здароўя, шчасця і дабрабыту вам і вашым блізкім.

Аляксандр Лукашэнка