Віншаванне з Днём мытніка

Кіраўніцтву, асабоваму складу і ветэранам мытных органаў Рэспублікі Беларусь

Паважаныя таварышы!

Ад усёй душы віншую вас з прафесійным святам – Днём мытніка!

Сваёй добрапрыстойнай і сумленнай працай вы забяспечваеце надзейную абарону эканамічных інтарэсаў дзяржавы, ажыццяўляеце барацьбу з трансгранічнай злачыннасцю. Дзейнасць мытнікаў у значнай ступені паўплывала на пашырэнне міжнародных гандлёвых сувязей і транзітнай прывабнасці краіны.

Створаная на самым сучасным узроўні высокатэхналагічная сістэма ажыццяўлення мытнага кантролю дае магчымасць сёння эфектыўна развіваць інтэграцыйныя працэсы. У першую чаргу ў рамках Мытнага саюза і Адзінай эканамічнай прасторы.

Упэўнены, што супрацоўнікі мытных органаў Беларусі будуць і ў далейшым паспяхова працаваць на карысць нашай Радзімы, дастойна абараняць яе інтарэсы і суверэнітэт.

У гэты святочны дзень жадаю вам і вашым блізкім моцнага здароўя, шчасця і дабрабыту.

Аляксандр Лукашэнка