Віншаванне з Днём маці

Жанчынам-маці Рэспублікі Беларусь

Дарагія суайчынніцы!

Ад усёй душы віншую вас з Днём маці.

Мама – першае і галоўнае слова ў лёсе чалавека. З глыбіні стагоддзяў дайшла да нас вялікая запаведзь: шануй бацьку свайго і маці сваю – і будзеш шчаслівы. Адзіная на свеце жанчына, дзякуючы якой мы прыходзім на гэту Зямлю, назаўсёды застаецца для кожнага анёлам-ахоўнікам, надзейным прычалам у бурным жыццёвым моры.

Вялікія, дружныя сем'і, дзе растуць здаровыя дзеці, – залог сілы ўстояў дзяржавы. Таму пытанні сацыяльнай абароны і падтрымкі мацярынства заўсёды будуць у цэнтры нашай увагі. Мы забяспечым найлепшыя ўмовы для таго, каб вы нараджалі як мага больш малышоў, выхоўвалі іх пад мірным небам, у спакойнай і шчаслівай краіне.

Мілыя нашы мамы! Недарма кажуць, што дзеці – гэта самае каштоўнае ўпрыгажэнне і важны крытэрый поспеху любой жанчыны. І таму, дабіваючыся вышынь у прафесійнай і грамадскай дзейнасці, не забывайце аб сваім галоўным прызначэнні – дарыць жыццё і захоўваць цяпло дамашняга ачага. Няхай вас заўсёды акружаюць усмешлівыя твары сыноў і дачок, а побач будзе блізкі, любячы чалавек.

Жадаю вам і вашым родным здароўя, шчасця і добрага настрою.

Аляксандр Лукашэнка