Віншаванне з Днём Дзяржаўнага герба і Дзяржаўнага сцяга Рэспублікі Беларусь
Дарагія суайчыннікі!
Сардэчна віншую вас з Днём Дзяржаўнага герба і Дзяржаўнага сцяга Рэспублікі Беларусь.
Гэтыя дзяржаўныя сімвалы па праву ўвасабляюць суверэнітэт нашай краіны, сцвярджаюць, што беларускі народ – гаспадар на сваёй зямлі і яму вырашаць, як лепш уладкаваць свой дом, якой дарогай ісці.
У іх адлюстравана слаўная шматвяковая гісторыя Беларусі, напоўненая старонкамі мужнасці і гераізму ў часы цяжкіх выпрабаванняў і вялікіх здзяйсненняў у гады стварэння.
Упэўнены, што дзякуючы працавітасці, з’яднанасці, патрыятызму мы пераадолеем любыя нягоды і даб’ёмся новых поспехаў на шляху ўмацавання і працвітання нашай Айчыны.
У гэты святочны дзень жадаю вам здароўя, міру і дабрабыту.
Аляксандр Лукашэнка