Віншаванне Прэзідэнту Венесуэлы Нікаласу Мадуру
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Венесуэлы Нікаласа Мадуру і грамадзян гэтай краіны з Днём Незалежнасці.
"Узвышаны настрой, пачуцці годнасці і гордасці, што абуджаюцца гэтым нацыянальным святам, дапамагаюць венесуэльцам спраўляцца са шматлікімі выклікамі, захоўваючы адзінства і ахоўваючы суверэнітэт сваёй дзяржавы", - гаворыцца ў віншаванні.
Аляксандр Лукашэнка выказаў перакананне, што Венесуэла паспяхова пераадолее ўсе цяжкасці, з якімі сутыкнулася апошнім часам, і пацвердзіў гатоўнасць да далейшага развіцця двухбаковага супрацоўніцтва, накіраванага на працвітанне абедзвюх краін і рост дабрабыту іх народаў.