Віншаванне Прэзідэнту Сербіі Аляксандру Вучычу

    Прэзідэнт Беларусі Аляксандр Лукашэнка павіншаваў Прэзідэнта Сербіі Аляксандра Вучыча і ўсіх жыхароў гэтай краіны з нацыянальным святам - Днём дзяржаўнасці.

    "За сваю шматвяковую гісторыю ваша краіна не раз станавілася аб'ектам грубага знешняга націску. Вы, як ніхто іншы, добра ведаеце, што толькі пры ўзаемных павазе і даверы, з падтрымкай адзін аднаго на міжнароднай арэне нашы дзяржавы могуць абараніць свой суверэнітэт і адказаць на сучасныя выклікі, каб упэўнена крочыць наперад", - гаворыцца ў віншаванні.

    Прэзідэнт падкрэсліў, што беларусы заўсёды, нават у самыя цяжкія моманты, дапамагалі брацкаму сербскаму народу, з якім іх звязвае агульнасць духоўных і культурных каштоўнасцей.

    "Веру ў тое, што Рэспубліка Сербія застанецца надзейным партнёрам Беларусі на Балканах, - адзначыў Кіраўнік дзяржавы. - Мінск разлічвае на ўмацаванне дружалюбных адносін з Бялградам, паглыбленне двухбаковых кантактаў і пашырэнне супрацоўніцтва на ўсіх узроўнях і ва ўсіх галінах узаемнага інтарэсу".

    Аляксандр Лукашэнка пажадаў Аляксандру Вучычу і сербскаму народу добрага здароўя, плённай дзейнасці і поспехаў.