Віншаванне Прэзідэнту Паўднёва-Афрыканскай Рэспублікі Сірылу Рамафосу

    Прэзідэнт Беларусі Аляксандр Лукашэнка павіншаваў Прэзідэнта Паўднёва-Афрыканскай Рэспублікі Сірыла Рамафосу з нацыянальным святам - Днём Свабоды.

    "Сіла духу, мужнасць і рашучасць у адстойванні сваіх інтарэсаў заўсёды былі характэрнымі рысамі слаўнага народа Паўднёвай Афрыкі", - гаворыцца ў віншаванні.

    Кіраўнік дзяржавы адзначыў, што Беларусь надае вялікае значэнне далейшаму пашырэнню ўзаемавыгадных сувязей з ПАР у сферах прамысловасці, сельскай гаспадаркі, адукацыі і навукі, актывізацыі гуманітарных кантактаў.

    Аляксандр Лукашэнка пажадаў Сірылу Рамафосу моцнага здароўя і новых поспехаў, а ўсім паўднёваафрыканцам - міру і працвітання.