Віншаванне Прэзідэнту Мексіканскіх Злучаных Штатаў Мануэлю Лопесу Абрадору

    Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Мексіканскіх Злучаных Штатаў Мануэля Лопеса Абрадора з Днём Незалежнасці.

    У віншавальным пасланні Кіраўнік дзяржавы пацвердзіў зацікаўленасць Мінска ва ўсебаковым развіцці адносін з Мехіка на аснове прынцыпаў узаемнай павагі і ўліку нацыянальных інтарэсаў дзвюх краін.

    "Упэўнены, што, нягледзячы на геаграфічную аддаленасць, Беларусь і Мексіка маюць значны патэнцыял для нарошчвання плённага супрацоўніцтва ў гандлёва-эканамічнай, навукова-тэхнічнай і культурнай сферах. Эфектыўнае выкарыстанне існуючых магчымасцей, безумоўна, будзе садзейнічаць умацаванню эканамічнай бяспекі абедзвюх дзяржаў", - падкрэсліў Аляксандр Лукашэнка.