Віншаванне Прэзідэнту Кубы Мігелю Марыа Дыяс-Канелю Бермудэсу, Першаму сакратару ЦК Кампартыі Раулю Кастра Русу

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Рэспублікі Куба Мігеля Марыа Дыяс-Канеля Бермудэса, Першага сакратара Цэнтральнага камітэта Камуністычнай партыі Рауля Кастра Руса і народ гэтай краіны з Днём нацыянальнага паўстання.

"Непахісная воля і імкненне грамадзян Рэспублікі Куба да свабоды, цвёрдая рашучасць адстойваць уласны шлях развіцця натхняе мільёны людзей у свеце. Запэўніваю вас, што ў гэтай няпростай справе кубінскі народ будзе заўсёды мець надзейнага саюзніка ў асобе Беларусі. Разам мы можам больш эфектыўна адстойваць на міжнароднай арэне прынцыпы шматпалярнасці светаўладкавання, гуманізму і роўнасці", - гаворыцца ў віншаванні ў адрас Мігеля Марыа Дыяс-Канеля Бермудэса.

Кіраўнік беларускай дзяржавы з задавальненнем адзначыў плённасць двухбаковага супрацоўніцтва. "Перакананы, што агульнымі намаганнямі мы зможам поўнасцю рэалізаваць патэнцыял беларуска-кубінскага ўзаемадзеяння ва ўсіх сферах узаемнага інтарэсу", - падкрэсліў Прэзідэнт.

У пасланні Раулю Кастра Русу Аляксандр Лукашэнка высока ацаніў узровень кааперацыі дзвюх краін і назваў Гавану адным з важнейшых стратэгічных партнёраў Мінска. "Беларусы ганарацца дружбай з гераічным кубінскім народам, які застаецца верным сваім ідэалам і прынцыпам, нястомна працуе на карысць Радзімы і абарону яе суверэнітэту, - гаворыцца ў віншаванні. - У гэты няпросты для свету час Рэспубліка Куба падае прыклад сапраўднай міжнароднай салідарнасці, накіроўваючы медыцынскіх спецыялістаў на барацьбу з пандэміяй COVID-19 у найбольш пацярпелыя краіны".