Віншаванне народу Румыніі з Нацыянальным днём

    Прэзідэнт Беларусі Аляксандр Лукашэнка павіншаваў народ Румыніі з Нацыянальным днём - 105-годдзем Вялікага аб'яднання.

    "Галоўнымі ідэямі гэтага свята сталі прымірэнне і аб'яднанне грамадства вакол фундаментальных каштоўнасцей, на якіх грунтуецца румынская дзяржава, - незалежнасць і суверэнітэт, духоўная спадчына і культурныя традыцыі", - гаворыцца ў віншаванні.

    Гістарычныя лёсы зрабілі беларусаў і румынаў вельмі падобнымі - яны цвёрда прытрымліваюцца прынцыпаў салідарнасці і ўзаемадапамогі, беражліва захоўваюць памяць продкаў, сваю ідэнтычнасць і звычаі, дзякуючы якім з'яўляюцца самабытнымі еўрапейскімі народамі, адзначыў беларускі лідар.

    "І сёння Беларусь застаецца вернай сваім перакананням, гатовай да мірнага стваральнага дыялогу на аснове павагі і раўнапраўя. Упэўнены, нашы краіны маюць вялікі патэнцыял супрацоўніцтва і змогуць знайсці шляхі для аднаўлення паўнацэнных адносін", - падкрэсліў Прэзідэнт.

    Аляксандр Лукашэнка пажадаў грамадзянам Румыніі новых дасягненняў, дабрабыту і прагрэсу.