Віншаванне народу Каралеўства Іспанія
Прэзідэнт Беларусі Аляксандр Лукашэнка павіншаваў народ Каралеўства Іспанія з нацыянальным святам - Днём іспанскай нацыі.
Кіраўнік дзяржавы адзначыў, што дыпламатычныя адносіны паміж краінамі ўстаноўлены 30 гадоў таму, аднак для беларусаў Іспанія здаўна вядома як дзяржава з багатай гісторыяй і непаўторнай культурай, сардэчнымі і гасціннымі людзьмі.
"Спадзяюся, што, нягледзячы ні на геаграфічную адлегласць, ні на складаную геапалітычную сітуацыю, Рэспубліка Беларусь і Каралеўства Іспанія застануцца добрымі партнёрамі і захаваюць узаемны інтарэс да падтрымання і развіцця двухбаковага супрацоўніцтва на карысць абодвух народаў", - падкрэсліў Прэзідэнт.
Аляксандр Лукашэнка пажадаў усім жыхарам Іспаніі моцнага здароўя, міру, стабільнасці і працвітання.