Віншаванне народнай артыстцы Расіі Дзіяне Гурцкая
Прэзідэнт Беларусі Аляксандр Лукашэнка павіншаваў народную артыстку Расіі Дзіяну Гурцкая з днём нараджэння.
"Выдатны талент, агранены віртуозным майстэрствам, і нязломны характар, загартаваны многімі жыццёвымі выпрабаваннямі, далі магчымасць Вам стварыць свой непаўторны стыль і стаць прыкладам для мільёнаў паклоннікаў, - гаворыцца ў віншаванні. - Асобную павагу выклікаюць Ваша грамадзянская пазіцыя, актыўная грамадская і дабрачынная дзейнасць, накіраваная на аказанне падтрымкі маладым талентам".
Аляксандр Лукашэнка пажадаў народнай артыстцы добрага здароўя, поспехаў і натхнення. "Няхай Ваша плённая праца і ў далейшым прыносіць людзям радасць, садзейнічае ўмацаванню дружбы паміж нашымі краінамі", - дадаў Кіраўнік дзяржавы.