Віншаванне народнаму артысту Расіі Міхаілу Турэцкаму

    Прэзідэнт Беларусі Аляксандр Лукашэнка павіншаваў народнага артыста Расіі Міхаіла Турэцкага з 60-годдзем.

    "Унікальны талент, высокае майстэрства і надзвычайная энергетыка далі магчымасць Вам дабіцца поспеху і заваяваць сэрцы мільёнаў адданых паклоннікаў", - гаворыцца ў віншаванні.

    Кіраўнік дзяржавы адзначыў, што Міхаіл Турэцкі, развіваючы ў сваёй творчасці тэму захавання гістарычнай памяці, выхоўвае ў падрастаючага пакалення пачуццё гонару за бессмяротны подзвіг савецкага народа-пераможцы і павагу да яго вялікай духоўнай спадчыны.

    "На беларускай зямлі, радзіме Вашых продкаў, заўсёды з нецярпеннем чакаюць сустрэчы з любімым артыстам", - падкрэсліў Прэзідэнт.

    Аляксандр Лукашэнка пажадаў Міхаілу Турэцкаму добрага здароўя, поспехаў у рэалізацыі ўсіх планаў, шчасця і дабрабыту.