Віншаванне народнаму артысту Расіі Дзмітрыю Пяўцову
Прэзідэнт Беларусі Аляксандр Лукашэнка павіншаваў народнага артыста Расіі Дзмітрыя Пяўцова з 60-годдзем.
"Ваша творчасць прасякнута велізарнай павагай да выбранай прафесіі і бязмежнай любоўю да Радзімы. У кінематографе і на тэатральнай сцэне Вам удалося ўвасобіць яркія вобразы, поўныя духоўнасці і дабрыні, - гаворыцца ў віншаванні. - Упэўнены, Ваш шматгранны талент, актыўная грамадская і педагагічная дзейнасць і ў далейшым будуць садзейнічаць развіццю і ўмацаванню беларуска-расійскіх культурных сувязей".
Аляксандр Лукашэнка пажадаў Дзмітрыю Пяўцову здароўя, дабрабыту і аптымізму.