Віншаванне Мітрапаліту Філарэту, пачэснаму Экзарху ўсяе Беларусі

Прэзідэнт Рэспублікі Беларусь Аляксандр Лукашэнка павіншаваў Мітрапаліта Філарэта, пачэснага Экзарха ўсяе Беларусі з Днём Анёла.

"Ваша плённая дзейнасць па адраджэнні Беларускай праваслаўнай царквы, умацаванні традыцый духоўнасці, міласэрнасці і набожнасці стала для некалькіх пакаленняў нашых грамадзян прыкладам нястомнай працы і адданасці выбранаму жыццёваму шляху", - гаворыцца ў віншаванні.

"Няхай і ў далейшым Вашы малітвы дапамагаюць людзям знаходзіць сілу духу і імкнуцца да новых здзяйсненняў", - адзначыў Прэзідэнт.

Аляксандр Лукашэнка пажадаў Мітрапаліту Філарэту здароўя, цялесных і духоўных сіл і ўсяго найлепшага.