Віншаванне Маршалу Савецкага Саюза Дзмітрыю Язаву з 90-годдзем

Прэзідэнт Рэспублікі Беларусь Аляксандр Лукашэнка павіншаваў Маршала Савецкага Саюза Дзмітрыя Язава з 90-годдзем.

"Вы прысвяцілі сябе цяжкай і высакароднай прафесіі абаронцы Радзімы. Ваш жыццёвы шлях - гэта прыклад адданага служэння Айчыне і вернасці выбранай справе", - гаворыцца ў віншаванні.

Аляксандр Лукашэнка адзначыў, што ў Беларусі Дзмітрыя Язава ведаюць не толькі як Маршала Савецкага Саюза, але і як чалавека, які прымаў удзел у вызваленні Беларусі ад нямецка-фашысцкіх захопнікаў, аднаўленні міру на беларускай зямлі.

Прэзідэнт пажадаў Дзмітрыю Язаву і яго блізкім здароўя, шчасця і дабрабыту.