Віншаванне Каталін Новак з выбраннем на пасаду Прэзідэнта Венгрыі

    Прэзідэнт Беларусі Аляксандр Лукашэнка павіншаваў Каталін Новак з выбраннем на пасаду Прэзідэнта Венгрыі.

    "Упэўнены ва ўзаемнай зацікаўленасці ў развіцці плённых сувязей, умацаванні адносін, напаўненні іх новым зместам, - гаворыцца ў віншаванні. - Упэўнены, што сумеснымі намаганнямі мы здолеем захаваць і прымножыць станоўчыя прыклады супрацоўніцтва ў такіх традыцыйных галінах, як гандаль, інвестыцыі, энергетыка, культура і адукацыя". 

    Кіраўнік дзяржавы адзначыў, што новымі сферамі ўзаемадзеяння могуць стаць ахова і развіццё сям'і, дзяцей і моладзі, у якіх сёння Мінск і Будапешт прыкладаюць значныя намаганні як на нацыянальным узроўні, так і на пляцоўках міжнародных арганізацый. 

    Беларускі лідар таксама нагадаў, што ў гэтым годзе адзначаецца сімвалічная дата - 30-годдзе ўстанаўлення дыпламатычных адносін з Венгрыяй. "Прыемна, што на працягу гэтага перыяду яны характарызаваліся ўзаемнай павагай, даверам і імкненнем пачуць адзін аднаго - якасцямі, якія набываюць асаблівую каштоўнасць у цяперашні няпросты час", - звярнуў увагу Прэзідэнт.

    Аляксандр Лукашэнка пажадаў Каталін Новак здароўя, дабрабыту і прафесійных поспехаў, а народу Венгрыі - працвітання і міру.