Віншаванне калектыву РУП "БЕЛФАРМАЦЫЯ" са 100-годдзем з дня заснавання
Прэзідэнт Беларусі Аляксандр Лукашэнка павіншаваў калектыў гандлёва-вытворчага рэспубліканскага ўнітарнага прадпрыемства "БЕЛФАРМАЦЫЯ" са 100-годдзем з дня заснавання.
Кіраўнік дзяржавы адзначыў, што векавы юбілей беларускай аптэчнай службы - гэта шлях высакароднага служэння людзям, гісторыя штодзённай працы ў мірны час і подзвігаў у імя выратавання жыццяў у гады Вялікай Айчыннай вайны.
"Вы прадаўжаеце справу многіх пакаленняў спецыялістаў, дзякуючы якім "БЕЛФАРМАЦЫЯ" стала вядучай арганізацыяй краіны, што забяспечвае насельніцтва якаснымі, эфектыўнымі і бяспечнымі лекавымі сродкамі, выконваючы важныя сацыяльныя функцыі", - гаворыцца ў віншаванні.
Аляксандр Лукашэнка выказаў перакананне, што адказнае стаўленне супрацоўнікаў прадпрыемства да справы, іх велізарная працавітасць і імкненне да самых прагрэсіўных ведаў і ў далейшым будуць служыць на карысць Беларусі і яе народа.
Прэзідэнт пажадаў калектыву "БЕЛФАРМАЦЫІ" моцнага здароўя, шчасця і новых прафесійных здзяйсненняў.