Віншаванне калектыву Беларускага дзяржаўнага тэхналагічнага ўніверсітэта
Прэзідэнт Беларусі Аляксандр Лукашэнка павіншаваў калектыў Беларускага дзяржаўнага тэхналагічнага ўніверсітэта з 90-годдзем з дня заснавання ўстановы.
Кіраўнік дзяржавы адзначыў, што сёння БДТУ па праву з'яўляецца вядучай айчыннай установай вышэйшай адукацыі па падрыхтоўцы кваліфікаваных спецыялістаў для лясной, хімічнай, паліграфічнай і іншых галін.
"Дзякуючы працы некалькіх пакаленняў супрацоўнікаў і выпускнікоў ВНУ створаны перадавыя адукацыйныя і навукова-даследчыя школы, якія вядомы сваімі высокатэхналагічнымі распрацоўкамі для рэальнага сектара эканомікі і сацыяльнай сферы", - гаворыцца ў віншаванні.
Аляксандр Лукашэнка выказаў перакананне, што выкладчыкі і студэнты ўніверсітэта і ў далейшым будуць рабіць усё магчымае для ўмацавання кадравага і вытворчага патэнцыялу краіны, яе паспяховага інавацыйнага развіцця.