Віншаванне Эміру Дзяржавы Кувейт шэйху Навафу аль-Ахмеду аль-Джаберу аль-Сабаху
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Эміра Дзяржавы Кувейт шэйха Навафа аль-Ахмеда аль-Джабера аль-Сабаха і Наследнага прынца Дзяржавы Кувейт шэйха Машааля аль-Ахмеда аль-Джабера аль-Сабаха з Нацыянальным днём.
"Дзякуючы прагрэсіўнаму кіраўніцтву Кувейт змог дасягнуць выдатных вынікаў у розных галінах, умацаваў свой аўтарытэт на міжнароднай арэне", - гаворыцца ў віншаванні.
Кіраўнік дзяржавы канстатаваў, што Кувейт з'яўляецца перспектыўным знешнепалітычным і гандлёвым партнёрам Беларусі на Блізкім Усходзе.
"Упэўнены, што ў рэчышчы дзейнасці Эль-Кувейта па дыверсіфікацыі эканомікі і ўстойлівым развіцці грамадства разам мы зможам знайсці эфектыўныя падыходы да пашырэння двухбаковага супрацоўніцтва, вызначыць сферы ўзаемнага інтарэсу", - падкрэсліў беларускі лідар.
Аляксандр Лукашэнка пажадаў шэйху Навафу аль-Ахмеду аль-Джаберу аль-Сабаху моцнага здароўя, плённай дзейнасці і даўгалецця, а дружалюбнаму кувейцкаму народу - міру і працвітання.