Віншаванне асабоваму складу 74-га асобнага Берлінскага палка ў сувязі
Прэзідэнт Беларусі Аляксандр Лукашэнка павіншаваў асабовы склад і ветэранаў 74-га асобнага Берлінскага Чырванасцяжнага ордэна Аляксандра Неўскага палка ў сувязі з 80-годдзем яго ўтварэння.
Кіраўнік дзяржавы адзначыў, што слаўныя традыцыі часці закладваліся ў суровыя гады вайны, калі воіны-сувязісты, праяўляючы асаблівыя доблесць і адвагу, удзельнічалі ў вызваленні Украіны і Беларусі, змагаліся за Растоў, Берлін і Прагу.
"Каштоўны вопыт тых гадоў сёння захоўвае і прымнажае цяперашняе пакаленне ваеннаслужачых палка, неаднаразова даказваючы свае майстэрства і вывучку выдатнымі вынікамі, у тым ліку ў апошніх буйнамаштабных сумесных беларуска-расійскіх вучэннях "Захад-2021" і "Саюзная рашучасць-2022", - гаворыцца ў віншаванні.
Аляксандр Лукашэнка падкрэсліў, што без надзейнай сувязі немагчыма ўявіць сучасную армію: "Сёння вы на высокім прафесійным узроўні эфектыўна вырашаеце складаныя і адказныя задачы па прызначэнні, забяспечваючы ўстойлівую сувязь у інтарэсах кіравання войскамі ў кругласутачным рэжыме, уносячы дастойны ўклад ва ўмацаванне ваеннай бяспекі дзяржавы. Упэўнены, што так будзе і ў далейшым".
Прэзідэнт падзякаваў асабоваму складу і ветэранам палка сувязі за службу і пажадаў ім моцнага здароўя, мірнага неба, дабра і дабрабыту, а таксама новых поспехаў і дасягненняў у службе.
