Віншаванне То Ламу з выбраннем на пасаду Генеральнага сакратара ЦК Кампартыі В'етнама

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Сацыялістычнай Рэспублікі В'етнам То Лама з выбраннем на пасаду Генеральнага сакратара Цэнтральнага камітэта Камуністычнай партыі В'етнама. 

"Упэўнены, што Ваш шматгадовы вопыт, высокі аўтарытэт, асабістыя і прафесійныя якасці дадуць магчымасць паспяхова справіцца з усімі задачамі", - гаворыцца ў віншаванні.

Аляксандр Лукашэнка адзначыў, што найлепшай памяццю папярэдняму Генеральнаму сакратару ЦК Кампартыі В'етнама Нгуен Фу Чонгу стане прадаўжэнне пад кіраўніцтвам То Лама курсу на дынамічнае развіццё і ўмацаванне бяспекі краіны, рост дабрабыту в'етнамскага народа, рэалізацыю знешнепалітычных інтарэсаў, павышэнне ролі і месца В'етнама на міжнароднай арэне. 

"Пацвярджаю нацэленасць Беларусі на далейшае развіццё адносін з В'етнамам на аснове традыцыйнай дружбы, даверу і ўзаемаразумення. Спадзяюся на прадаўжэнне нашага ўзаемадзеяння, рэалізацыю дасягнутых дамоўленасцей і вызначэнне новых перспектыўных напрамкаў двухбаковага супрацоўніцтва ў самых розных галінах. Буду рады вітаць Вас на гасціннай беларускай зямлі", - адзначыў Кіраўнік дзяржавы.

Аляксандр Лукашэнка пажадаў То Ламу моцнага здароўя, сіл, энергіі і поспехаў у адказнай партыйнай і дзяржаўнай дзейнасці.