Віншаванне Старшыні Калегіі Еўразійскай эканамічнай камісіі Бакытжану Сагінтаеву

Прэзідэнт Беларусі Аляксандр Лукашэнка павіншаваў Старшыню Калегіі Еўразійскай эканамічнай камісіі Бакытжана Сагінтаева з днём нараджэння.

"Вашы шматгадовы вопыт дзяржаўнай службы і асабісты ўдзел у станаўленні Еўразійскага эканамічнага саюза дастойны высокай ацэнкі і прызнання, - гаворыцца ў віншаванні. - Перакананы, што пад Вашым кіраўніцтвам работа асноўнага інтэграцыйнага штаба ЕАЭС - Калегіі Еўразійскай эканамічнай камісіі - будзе і ў далейшым накіравана на ўмацаванне партнёрства і пабудову ўстойлівых эканамічных сувязей паміж дзяржавамі - членамі саюза на прынцыпах салідарнасці і ўзаемнага даверу".

Аляксандр Лукашэнка пажадаў Бакытжану Сагінтаеву добрага здароўя, поспехаў і новых здзяйсненняў на карысць развіцця ЕАЭС.