Віншаванне работнікам і ветэранам Гомельскага хімзавода
Прэзідэнт Беларусі Аляксандр Лукашэнка павіншаваў работнікаў і ветэранаў ААТ "Гомельскі хімічны завод" з 60-годдзем прадпрыемства.
"За гэтыя гады Гомельскім хімічным заводам пройдзены вялікі шлях, напоўнены прафесійнымі перамогамі і дасягненнямі", - адзначыў Аляксандр Лукашэнка.
Прэзідэнт падкрэсліў, што комплексныя фосфаразмяшчальныя ўгнаенні з макра- і мікраэлементамі, якія вырабляюцца прадпрыемствам, дапамагаюць павысіць ураджайнасць, палепшыць якасць сельскагаспадарчай прадукцыі, умацаваць харчовую бяспеку Беларусі і павялічыць яе экспартны патэнцыял.
"Упэўнены, слаўныя працоўныя традыцыі, закладзеныя ветэранамі, мэтанакіраванасць і вялікі вопыт вашага вялікага і дружнага калектыву паслужаць асновай для новых вытворчых поспехаў на карысць роднай Беларусі і забяспечаць дастойную будучыню нашых дзяцей і ўнукаў", - гаворыцца ў віншаванні.
Кіраўнік дзяржавы пажадаў усім, хто звязаў сваё жыццё з Гомельскім хімічным заводам, а таксама іх родным і блізкім здароўя, дабра і міру.