Віншаванне народнай артыстцы Расіі Ларысе Долінай

Прэзідэнт Беларусі Аляксандр Лукашэнка павіншаваў народную артыстку Расіі Ларысу Доліну з днём нараджэння.

"Унікальнае вакальнае майстэрства і манера выканання, выключнае жаночае абаянне прынеслі Вам заслужанае захапленне шматлікіх паклоннікаў", - гаворыцца ў віншаванні.

Аляксандр Лукашэнка адзначыў, што ў Беларусі творчасць Ларысы Долінай карыстаецца вялікай папулярнасцю і прызнаннем: "Вас любяць і з нецярпеннем чакаюць як жаданага госця, чые выступленні становяцца сапраўдным святам".

"Упэўнены, што Ваша дзейнасць і ў далейшым будзе садзейнічаць умацаванню дружбы і культурных сувязей паміж нашымі брацкімі народамі", - дадаў Кіраўнік дзяржавы.

Прэзідэнт Беларусі пажадаў народнай артыстцы Расіі даўгалецця, добрага здароўя і новых прафесійных здзяйсненняў.