Віншаванне Генеральнаму сакратару ЦК Кампартыі, Прэзідэнту В'етнама То Ламу

Прэзідэнт Беларусі Аляксандр Лукашэнка ад імя сваіх суайчыннікаў і сябе асабіста павіншаваў Генеральнага сакратара Цэнтральнага камітэта Камуністычнай партыі В'етнама, Прэзідэнта Сацыялістычнай Рэспублікі В'етнам То Лама з Днём Незалежнасці.

"Народы Беларусі і В'етнама памятаюць, наколькі вялікую цану заплацілі нашы продкі, каб цяперашняе і будучыя пакаленні жылі на сваёй зямлі, свабоднай і бяспечнай", - гаворыцца ў віншаванні.

Кіраўнік дзяржавы падкрэсліў, што ў сённяшніх няпростых умовах як ніколі неабходны салідарнасць, падтрымка і давер паміж краінамі для абароны і захавання самабытнасці, нацыянальнага суверэнітэту і незалежнасці, эфектыўнага адказу на знешнія выклікі.

"Менавіта такі падыход да развіцця палітычнага дыялогу дэманструюць Мінск і Ханой, што стварае цвёрдую, надзейную аснову для паспяховага пашырэння двухбаковага супрацоўніцтва па ўсіх напрамках", - канстатаваў Прэзідэнт.

Аляксандр Лукашэнка пажадаў То Ламу і яго блізкім выдатнага здароўя і даўгалецця, а народу В'етнама - міру і адзінства.