Віншаванне членам Савета Бяспекі Беларусі, супрацоўнікам і ветэранам Дзяржаўнага сакратарыята Савета Бяспекі
Прэзідэнт Беларусі Аляксандр Лукашэнка павіншаваў членаў Савета Бяспекі Беларусі, а таксама супрацоўнікаў і ветэранаў Дзяржаўнага сакратарыята Савета Бяспекі з 30-годдзем з дня ўтварэння гэтай структуры.
"Сфарміраваны 5 жніўня 1994 года Савет Бяспекі прайшоў шлях, які стаў неад'емнай часткай гісторыі суверэннай Беларусі. Заснаваўшы гэты канстытуцыйны, вышэйшы калегіяльны каардынацыйна-палітычны орган у сферы забеспячэння нацыянальнай бяспекі, мы ўзнялі статус і значнасць усіх сілавых ведамстваў на новы ўзровень", - гаворыцца ў віншаванні.
Створаны ў краіне механізм абароны ад знешніх і ўнутраных пагроз у перыяды эскалацыі рэгіянальных супярэчнасцей і глабальнай нестабільнасці не раз дэманстраваў сваю эфектыўнасць, падкрэсліў Кіраўнік дзяржавы.
Прэзідэнт падзякаваў ветэранам, якія стаялі ля вытокаў заснавання Дзяржаўнага сакратарыята Савета Бяспекі, выбудоўваючы міжведамасную каардынацыю дзейнасці дзяржаўных органаў у мэтах абароны Беларусі. "Вы ўзор адданага служэння Айчыне, прыклад сапраўднага патрыятызму", - канстатаваў беларускі лідар.
Аляксандр Лукашэнка выказаў упэўненасць у высокім прафесіяналізме і надзейнасці ўсіх, хто ў востры момант процістаяння новым гібрыдным пагрозам ахоўвае мір на роднай зямлі, завешчаны сучаснікам пакаленнем пераможцаў.
"Савет Бяспекі Рэспублікі Беларусь з апорай на Дзяржаўны сакратарыят будзе і ў далейшым добрасумленна вырашаць пастаўленыя перад ім задачы для забеспячэння нацыянальнай бяспекі, - падкрэсліў Прэзідэнт. - Час выбраў нас, і мы зробім усё, каб неба над Беларуссю заставалася чыстым".