Удзел у Брэсце ў памятных мерапрыемствах да 60-годдзя пачатку Вялікай Айчыннай вайны

Прэзідэнт Беларусі Аляксандр Лукашэнка 24 чэрвеня 2001 года прыняў удзел у памятных мерапрыемствах, прысвечаных 60-годдзю пачатку Вялікай Айчыннай вайны, якія адбыліся ў Брэсце. У горадзе ў гэты дзень быў адкрыты Свята-Уваскрасенскі сабор - помнік Перамогі 1945 года, будаўніцтва якога праходзіла пад патранатам Кіраўніка дзяржавы. Асвяціў новы храм і правёў у ім першую саборную літургію Патрыярх Маскоўскі і ўсяе Русі Аляксій II, які спецыяльна для гэтага прыбыў у Брэст. Ён выказаў словы ўдзячнасці Аляксандру Лукашэнку за вялікую ўвагу да духоўных праблем і падарыў яму на малітвеную памяць вобраз Уладзімірскага абраза Божай Маці.

З удзелам Прэзідэнта Беларусі і Свяцейшага Патрыярха ў мемарыяльным комплексе "Брэсцкая крэпасць-герой" прайшла ўрачыста-журботная цырымонія "Памяць". Аляксандр Лукашэнка ў сваім выступленні падкрэсліў, што на беларускай зямлі ёсць святыя для ўсяго чалавецтва мясціны, у іх ліку - легендарная Брэсцкая крэпасць, якая з'яўляецца сімвалам мужнасці і стойкасці, сілы духу і патрыятызму.

Акрамя таго, Кіраўнік дзяржавы і Патрыярх Маскоўскі і ўсяе Русі ўсклалі вянкі да помніка новага мемарыяльнага комплексу "Вартавым граніц", наведалі размешчаны ў Брэсцкай крэпасці Свята-Ніколькі гарнізонны храм.