У Беларусі прыняты дадатковыя меры для стабільнага функцыянавання эканомікі

    Прэзідэнт Беларусі Аляксандр Лукашэнка падпісаў Указ № 93 "Аб дадатковых мерах па забеспячэнні стабільнага функцыянавання эканомікі".

    Дакумент змяшчае меры павышэння ўстойлівасці эканомікі ва ўмовах санкцыйнага націску, звязанага з увядзеннем замежнымі дзяржавамі абмежавальных мер. Указам прадугледжваецца дадатковая падтрымка арганізацый рэальнага сектара эканомікі, жыллёвага будаўніцтва, суб'ектаў малога і сярэдняга прадпрымальніцтва, якія рэалізуюць прадукцыю на экспарт або вырабляюць імпартазамяшчальную прадукцыю. 

    Для рэалізацыі гэтых мер Ураду прадастаўлены дадатковыя паўнамоцтвы ў інвестыцыйнай, бюджэтна-фінансавай і падатковай сферах, якія даюць магчымасць аператыўна прымаць рашэнні, у тым ліку па забеспячэнні збалансаванасці бюджэту ва ўмовах прагназуемага выпадання яго даходаў. 

    Акрамя таго, Савет Міністраў надзелены шырокім інструментарыем аператыўнага рэагавання на недружалюбныя дзеянні замежных дзяржаў.